തിരുവനന്തപുരം: കോവിഡ് കാട്ടുതീ പോലെ പടരുകയാണെങ്കിലും സർക്കാർ ഒന്നും ചെയ്യാതെ കാഴ്ചക്കാരനെപ്പോലെ നോക്കി നിൽക്കുകയാണെന്നും തന്റെ കഴിവില്ലായ്മ ആരോഗ്യ മന്ത്രി ഇതിനകം തെളിയിച്ചു കഴിഞ്ഞു എന്നും കോണ്ഗ്രസ് നേതാവ് രമേശ് ചെന്നിത്തല.
യുദ്ധകാലാടിസ്ഥാനത്തിൽ സർക്കാർ ഉണർന്നു പ്രവർത്തിക്കേണ്ട സമയം അതിക്രമിച്ചു കഴിഞ്ഞുവെന്നും പക്ഷേ സർക്കാർ ഇപ്പോഴും ആലോചനയിലാണെന്നും ചെന്നിത്തല കുറ്റപ്പെടുത്തി. സർക്കാർ അവലോകന യോഗം പോലും ചേരാൻ ഇരിക്കുന്നതേയുള്ളൂ എന്നും അദ്ദേഹം കൂട്ടിച്ചേർത്തു.
ടെലിവിഷനിൽ വന്ന് വാചക കസർത്തു നടത്തുന്ന മുഖ്യമന്ത്രിയെയും ഇത്തവണ കാണാനില്ലെന്നും ഈ മഹാമാരി കാലത്ത് ജനങ്ങൾക്ക് സംരക്ഷണം നൽകേണ്ട സർക്കാർ അവരെ വിധിക്ക് എറിഞ്ഞു കൊടുത്തിട്ട് മാറി നിൽക്കുകയാണെന്നും ചെന്നിത്തല ആരോപിച്ചു. ഇപ്പോഴത്തെ ഗുരുതരമായ അവസ്ഥ സർക്കാരും സർക്കാരിന് നേതൃത്വം നൽകുന്ന സിപിഎമ്മും വരുത്തി വച്ചതാണെന്നും സിപിഎമ്മിന്‍റെ സമ്മേളനങ്ങൾ നടക്കുന്നതിനാലാണ് മൂന്നാം തരംഗത്തിന്‍റെ തുടക്കം കണ്ടിട്ടും സർക്കാർ നിയന്ത്രണങ്ങളിലേക്ക് കടക്കാതിരുന്നതെന്നും ചെന്നിത്തല പറഞ്ഞു.
Post Your Comments