മുഖത്തെ ചര്‍മ്മം പോലെ തന്നെ കഴുത്തിലും ഏതാണ്ട് അതേ അളവില്‍ എക്സ്പോഷര്‍ ലഭിക്കണം. എന്നാല്‍ പല കാരണങ്ങള്‍ കൊണ്ട് കഴുത്തിനു ചുറ്റും കറുത്ത പാടുകള്‍ വരാറുണ്ട്. ചില പ്രത്യേക ഭാഗങ്ങളില്‍ ചര്‍മ്മം ഇരുണ്ടതാക്കുന്നതിനെ ഹൈപ്പര്‍ പിഗ്മെന്റേഷന്‍ എന്നാണ് വിളിക്കുന്നത്. സൂര്യപ്രകാശം, ശുചിത്വമില്ലായ്മ എന്നിവ മൂലമാണ് കഴുത്തിനു ചുറ്റും കറുപ്പുനിറം വരുന്നതെങ്കില്‍ അതിന് ഞൊടിയിടയില്‍ വീട്ടില്‍ തന്നെ പരിഹാരം കാണാം. ..
ആന്റിഓക്‌സിഡന്റുകളാല്‍ സമ്പന്നമായ കറ്റാര്‍വാഴ ചര്‍മ്മത്തിന്റെ പിഗ്മെന്റേഷനു കാരണമാകുന്ന എന്‍സൈമിന്റെ പ്രവര്‍ത്തനത്തെ തടഞ്ഞ് ചര്‍മ്മത്തെ പ്രകാശപൂരിതമാക്കുന്നു. ഇത് ചര്‍മ്മത്തില്‍ ഈര്‍പ്പവും പോഷണവും നിലനിര്‍ത്തുന്നു. ഒരു പുതിയ കറ്റാര്‍ വാഴ ഇല തുറന്ന് ജെല്‍ എടുത്ത് നേരിട്ട് കഴുത്തില്‍ പുരട്ടുക. മൃദുവായി മസാജ് ചെയ്ത് ഇരുപത് മിനിറ്റിന് ശേഷം തണുത്ത വെള്ളത്തില്‍ കഴുകുക.
ആപ്പിള്‍ സിഡെര്‍ വിനെഗര്‍ ചര്‍മ്മത്തിന്റെ പിഎച്ച് നില സന്തുലിതമാക്കുന്നു. മാലിക് ആസിഡിന്റെ സാന്നിദ്ധ്യം ചര്‍മ്മത്തിലെ മൃതകോശങ്ങളെ നീക്കം ചെയ്യുകയും ചര്‍മ്മത്തിന് സ്വാഭാവിക തിളക്കം നല്‍കുകയും ചെയ്യുന്നു. രണ്ട് ടേബിള്‍സ്പൂണ്‍ ആപ്പിള്‍ സിഡെര്‍ വിനെഗറും നാല് ടേബിള്‍സ്പൂണ്‍ വെള്ളവും എടുത്ത് നന്നായി ഇളക്കുക. അടുത്തതായി, ഒരു കോട്ടണ്‍ തുണി എടുത്ത് ലായനിയില്‍ മുക്കി കഴുത്തില്‍ പുരട്ടുക. പത്ത് മിനിറ്റ് നേരം വെച്ച ശേഷം വെള്ളത്തില്‍ കഴുകി കളയുക.
ഉരുളക്കിഴങ്ങിന് ബ്ലീച്ചിംഗ് കഴിവുകളുണ്ട്. നിങ്ങളുടെ ചര്‍മ്മത്തെ ഗണ്യമായ അളവില്‍ പ്രകാശിപ്പിക്കുകയും ചര്‍മ്മത്തിന്റെ നിറം തുല്യമാക്കുകയും ചെയ്യുന്നു. ആദ്യം ഒരു ചെറിയ ഉരുളക്കിഴങ്ങ് അരച്ച് അതില്‍ നിന്ന് ജ്യൂസ് പിഴിഞ്ഞെടുക്കണം. ഒരു കോട്ടണ്‍ തുണി ഉപയോഗിച്ച് ഈ ദ്രാവകം ബാധിത പ്രദേശങ്ങളില്‍ പുരട്ടുക. ഇത് പൂര്‍ണ്ണമായും ഉണങ്ങാന്‍ അനുവദിക്കുക, ശേഷം തണുത്ത വെള്ളത്തില്‍ കഴുകുക.
കുക്കുമ്പര്‍ നിങ്ങളുടെ ചര്‍മ്മത്തിന് തിളക്കവും പുതുമയും നല്‍കുന്നു. ഇതിലേക്ക് നാരങ്ങ നീര് കലര്‍ത്തുന്നതോടെ നിങ്ങള്‍ക്ക് ഹൈപ്പര്‍ പിഗ്മെന്റേഷന്‍ ലഘൂകരിക്കാന്‍ സഹായിക്കുന്ന ശക്തമായ ടോണറായി പ്രവര്‍ത്തിക്കുന്നു. കുക്കുമ്പര്‍ നീര്, നാരങ്ങ നീര് എന്നിവ തുല്യ ഭാഗങ്ങളാക്കി കലര്‍ത്തി ഒരു കോട്ടണ്‍ തുണി ഉപയോഗിച്ച് കഴുത്തില്‍ പുരട്ടുക. പത്ത് മിനിറ്റ് ഉണങ്ങാന്‍ വിട്ടശേഷം വെള്ളത്തില്‍ കഴുകുക.
ഒരു ഓറഞ്ച് തൊലി, പാല്‍ / ഓറഞ്ച് ജ്യൂസ് എന്നിവയാണ് നിങ്ങള്‍ക്ക് വേണ്ടത്. ഉണക്കി പൊടിച്ചെടുത്ത ഓറഞ്ച് തൊലി ഒരു പേസ്റ്റ് രൂപപ്പെടുന്നതുവരെ പാലോ ഓറഞ്ച് ജ്യൂസോ ചേര്‍ത്ത് ഇളക്കുക. ഇത് നിങ്ങളുടെ കഴുത്തില്‍ പുരട്ടി 15 മിനിറ്റ് ഇടുക. ശേഷം വെള്ളത്തില്‍ കഴുകുക. മികച്ച ഫലങ്ങള്‍ക്കായി ഈ മാസ്‌ക് ദിവസവും പ്രയോഗിക്കുക. ഓറഞ്ച് തൊലിയില്‍ വിറ്റാമിന്‍ സി ധാരാളം അടങ്ങിയിട്ടുണ്ട്, ഇത് മുഖത്തും കഴുത്തിലുമുള്ള ടാന്‍ നീക്കം ചെയ്യാന്‍ സഹായിക്കുന്നു.
Post Your Comments