അണ്ടര്‍19 ലോകകപ്പ്: ഇംഗ്ലണ്ട് ഫൈനലിൽ, രണ്ടാം സെമിയിൽ ഇന്ത്യ ഇന്നിറങ്ങും

അണ്ടര്‍ 19 ലോക കപ്പില്‍ ഇംഗ്ലണ്ട് ഫൈനലിൽ. ടൂർണമെന്റിൽ അപ്രതീക്ഷിത കുതിപ്പ് നടത്തിയ അഫ്ഗാനിസ്ഥാനെ 15 റണ്‍സിനാണ് ഇംഗ്ലണ്ട് പരാജയപ്പെടുത്തിയത്. മത്സരത്തില്‍ ഇംഗ്ലണ്ട് മുന്നോട്ടുവെച്ച 232 റണ്‍സ് വിജയലക്ഷ്യത്തിലേക്ക് ബാറ്റേന്തിയ അഫ്ഗാന് നിശ്ചിയ ഓവറില്‍ 215 റണ്‍സെടുക്കാനെ സാധിച്ചുള്ളു. ജയത്തോടെ ഇംഗ്ലണ്ട് ഫൈനലില്‍ കടന്നു. സ്കോർ: ഇംഗ്ലണ്ട് – 231/6, അഫ്ഗാനിസ്ഥാൻ – 215/9

ഫൈനലില്‍ ഇംഗ്ലണ്ടിന്റെ എതിരാളിയെ ഇന്നറിയാം. രണ്ടാം സെമിഫൈനലില്‍ ഇന്ത്യ ഇന്ന് ഓസ്‌ട്രേലിയയെ നേരിടും. ആന്റിഗ്വയില്‍ ഇന്ന് വൈകിട്ട് 6.30നാണ് മത്സരം. നാലുവട്ടം ജേതാക്കളായ ഇന്ത്യക്ക് ഇത് തുടര്‍ച്ചയായ നാലാം സെമിയാണ്. ഓസീസാകട്ടെ, രണ്ടുതവണ ചാമ്പ്യന്‍മാരായി.

Read Also:- ചോളത്തിന്റെ പോഷക ഗുണങ്ങള്‍..!

കളിച്ച നാലു മത്സരവും ജയിച്ചാണ് ഇന്ത്യയുടെ വരവ്. ക്വാര്‍ട്ടറില്‍ നിലവിലെ ചാമ്പ്യന്‍മാരായ ബംഗ്ലാദേശിനെ അഞ്ച് വിക്കറ്റിന് തോല്‍പ്പിച്ചാണ് യാഷ് ദൂളും സംഘവും സെമിയിലേക്ക് മാര്‍ച്ച് ചെയ്തത്. മത്സരം സ്റ്റാര്‍ സ്‌പോര്‍ട്‌സിലും ഹോട്സ്റ്റാറിലും തത്സമയം കാണാം.