മോസ്ക്കോ: യുക്രൈനില് റഷ്യന് സൈനിക ആക്രമണം ഏഴാം നാൾ പിന്നിടുമ്പോള് യുക്രൈൻ – റഷ്യ രണ്ടാംഘട്ട ചർച്ച ഇന്ന് നടക്കും. പോളണ്ട് – ബെലാറൂസ് അതിർത്തിയിലാണ് ചർച്ച നടക്കുക. വെടിനിർത്തലും ചർച്ചയാകുമെന്ന് റഷ്യ അറിയിച്ചിട്ടുണ്ട്. ഇതിനിടെ യുദ്ധത്തിൽ തങ്ങളുടെ 498 സൈനികർ മരിച്ചെന്ന് റഷ്യ സ്ഥിരീകരിച്ചു. സൈനിക നീക്കം തുടങ്ങിയശേഷം ഇതാദ്യമായാണ് ആൾനാശമുണ്ടായെന്ന റഷ്യയുടെ വെളിപ്പെടുത്തൽ. 1597 സൈനികർക്ക് പരിക്കേറ്റു. 2870 യുക്രൈൻ സൈനികരെ വധിച്ചെന്നും റഷ്യ പറഞ്ഞു. ഇന്ത്യക്കാരെ യുക്രൈൻ മനുഷ്യകവചമായി ഉപയോഗിക്കുന്നുവെന്ന് റഷ്യ കുറ്റപ്പെടുത്തി. ഇന്ത്യൻ വിദ്യാർഥികളെ തടവിലാക്കി വയ്ക്കുന്നത് യുക്രൈൻ സൈന്യമെന്നും റഷ്യ പറഞ്ഞു.
അതേസമയം, യുക്രൈനിലെ സൈനിക നീക്കത്തില് നിന്ന് റഷ്യ പിന്മാറണമെന്നാവശ്യപ്പെട്ട് ഐക്യരാഷ്ട്ര സഭയില് ഇന്നലെ അവതരിപ്പിച്ച പ്രമേയം പാസായി. 141 രാജ്യങ്ങളാണ് പ്രമേയത്തെ അനുകൂലിച്ചത്. ഇന്ത്യ ഉള്പ്പടെ 35 രാജ്യങ്ങള് വോട്ടെടുപ്പില് നിന്ന് വിട്ടുനില്ക്കുകയും അഞ്ച് രാജ്യങ്ങള് പ്രമേയത്തെ എതിര്ക്കുകയും ചെയതു. റഷ്യ, ബെലാറൂസ്, വടക്കന് കൊറിയ, സിറിയ, എറിത്രിയ എന്നീ രാജ്യങ്ങളാണ് പ്രമേയത്തെ എതിര്ത്തത്. എന്നാൽ, ഇന്ത്യക്ക് പുറമേ ഇറാനും ചൈനയും പാകിസ്ഥാനും വോട്ടെടുപ്പിൽ വിട്ടുനിന്നു.
Post Your Comments