അബുദാബി: ഒറ്റത്തവണ ഉപയോഗിക്കാവുന്ന പ്ലാസ്റ്റിക് ബാഗുകൾ നിരോധിക്കാനൊരുങ്ങി അബുദാബി. ജൂൺ 1 മുതൽ ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകൾക്ക് നിരോധനം ഏർപ്പെടുത്താനാണ് അബുദാബിയുടെ തീരുമാനം. മലിനീകരണ തോത് കുറയ്ക്കുന്നതിനും, സുസ്ഥിരത പ്രോത്സാഹിപ്പിക്കുന്നതിനുമാണ് ഇത്തരമൊരു നടപടി സ്വീകരിച്ചത്.
നഗരത്തിലെ ഒറ്റത്തവണ പ്ലാസ്റ്റിക് വസ്തുക്കളുടെ ഉപയോഗം ഘട്ടംഘട്ടമായി കുറയ്ക്കാനുള്ള നടപടികളും അബുദാബി സ്വീകരിക്കുന്നുണ്ട്. ഒറ്റത്തവണ-പ്ലാസ്റ്റിക്ക് ബാഗുകൾ നിരോധിക്കുക, വീണ്ടും ഉപയോഗിക്കാവുന്ന പരിസ്ഥിതി സൗഹൃദ ബാഗുകളുടെ ഉപയോഗം സമൂഹത്തിൽ പ്രോത്സാഹിപ്പിക്കുക, പ്ലാസ്റ്റിക്കിന്റെ ഉപയോഗങ്ങൾക്ക് തീരുവ ചുമത്തുക, ഇവയ്ക്ക് പകരം ദീർഘകാലം ഉപയോഗിക്കാവുന്ന ഇതരമാർഗ്ഗങ്ങൾ തേടുക തുടങ്ങി നിരവധി പദ്ധതികൾ ഈ നയത്തിന്റെ ഭാഗമായി പ്രാബല്യത്തിൽ വരുത്തുമെന്നും അധികൃതർ വ്യക്തമാക്കി.
Post Your Comments