Latest NewsNewsIndia

പള്ളികളിൽ ഉച്ചഭാഷിണി ഉപയോഗിക്കാൻ സർക്കാർ അനുമതി വേണം: നിർദേശം നൽകി മഹാരാഷ്ട്രയിലെ മുസ്ലിം സംഘടന

മുംബൈ: പളളികളിൽ ഉച്ചഭാഷിണി ഉപയോഗിക്കണമെങ്കിൽ മുൻകൂട്ടി അനുമതി വാങ്ങിയിരിക്കണമെന്ന മഹാരാഷ്ട്ര സർക്കാരിന്റെ തീരുമാനം പ്രാവർത്തികമാക്കി മുസ്ലിം സംഘടന. ഉച്ചഭാഷിണി ഉപയോഗിക്കുന്നതിനായി സർക്കാരിൽ നിന്ന് മുൻകൂട്ടി അനുമതി വാങ്ങണമെന്ന് നിർദേശം നൽകി മുസ്ലിം സംഘടന. മഹാരാഷ്ട്രയിലെ ജാമിയത്ത്-ഉലമ-ഇ-ഹിന്ദ് ആണ് നിർദേശം നൽകിയത്.

ഉച്ചഭാഷിണി ഉപയോഗിക്കുന്നതിന് അനുമതി തേടണമെന്നത് സംസ്ഥാന സർക്കാർ നിർബന്ധമാക്കാനിരിക്കുകയാണ്. ഇതിന് പിന്നാലെയാണ് ജാമിയത്ത്-ഉലമ-ഇ-ഹിന്ദിന്റെ നിർദേശം. മതപരമായ സ്ഥലങ്ങളിൽ ഉച്ചഭാഷിണി ഉപയോഗിക്കാമെന്ന മുൻ കോടതി ഉത്തരവുകൾ നടപ്പാക്കാൻ തിങ്കളാഴ്ച മഹാരാഷ്ട്ര ആഭ്യന്തര വകുപ്പ് തീരുമാനിച്ചിരുന്നു. സംസ്ഥാനത്തെ എല്ലാ പളളികളും ഉച്ചഭാഷിണി ഉപയോ​ഗിക്കുന്നതിന് സർക്കാരിൽ നിന്ന് അനുമതി തേടണമെന്നായിരുന്നു സർക്കാർ അറിയിച്ചത്.

Also Read:കെഎസ്ആർടിസി ബസിൽ പീഡനത്തിന് ഇരയായെന്ന് പരാതി നൽകിയ പിജി വിദ്യാർത്ഥിനിക്ക് നേരെ പ്രതി ഡ്രൈവർ ഷാജഹാന്റെ ഭീഷണി

ഇതിന്റെ അടിസ്ഥാനത്തിലാണ് സർക്കാരിൽ നിന്നും സമ്മതം വാങ്ങാൻ ജാമിയത്ത്-ഉലമ-ഇ-ഹിന്ദ് പള്ളികൾക്ക് നിർദേശം നൽകിയിരിക്കുന്നത്. പൊലീസിന്റെ ഭാ​ഗത്ത് നിന്ന് നല്ല സഹകരണമാണുള്ളതെന്നും, ഉച്ചഭാഷിണി ഉപയോ​ഗിക്കുന്നതിന് പൊലീസിന്റെ അനുമതി ലഭിക്കുന്നുണ്ടെന്നും വ്യക്തമാക്കി സംഘടനയുടെ സെക്രട്ടറി ​ഗുൽസാർ അസ്മി രംഗത്ത് വന്നിരുന്നു. അനുമതി തേടാത്തവർ നിർബന്ധമായും തേടിയിരിക്കണമെന്നും
അനുമതി നൽകിയതിൽ സർക്കാരിനോട് നന്ദിയുണ്ടെന്നും അദ്ദേഹം പറഞ്ഞു.

shortlink

Related Articles

Post Your Comments


Back to top button