ഗാസ: ജിഹാദ് ഇസ്ലാമിന്റെ പരകോടിയാണെന്നും അതാണ് ഇസ്ലാമിനെ, ആകർഷകവും ശക്തവും പ്രിയങ്കരവുമാക്കുന്നതെന്നും വ്യക്തമാക്കി ഗാസ ഇസ്ലാമിക പണ്ഡിതൻ അബ്ദുൽ ഹമീദ് ദബ്ബൂസ്. ലോകമെമ്പാടും എല്ലാ ആളുകളും മുസ്ലീങ്ങളാകുന്നതുവരെ ജിഹാദുണ്ടാകുമെന്നും അബ്ദുൽ ഹമീദ് ദബ്ബൂസ് പറഞ്ഞു.
മുസ്ലീങ്ങൾ ആളുകളെ ഭയപ്പെടുത്താൻ ആഗ്രഹിക്കുന്നില്ലെന്നും അവരെ ഇസ്ലാമിലേക്ക് പരിവർത്തനം ചെയ്യാനാണ് ആഗ്രഹിക്കുന്നതെന്നും അദ്ദേഹം പറഞ്ഞു. മുസ്ലീം ഇതര സമുദായക്കാർ ഇസ്ലാം സ്വീകരിക്കുന്നില്ലെങ്കിൽ, രക്തസാക്ഷിത്വമോ വിജയമോ നേടുന്നതുവരെ അവരോട് പോരാടുമെന്നും അബ്ദുൽ ഹമീദ് ദബ്ബൂസ് കൂട്ടിച്ചേർത്തു.
‘എല്ലാവരും മുസ്ലീങ്ങളാകുന്നതുവരെ ഈ മതം പ്രചരിപ്പിക്കാനുള്ള ഒരു ഉപാധിയാണ് ജിഹാദ്. മുസ്ലീങ്ങൾ തങ്ങളുടെ ഭൂമി സംരക്ഷിക്കുകയും ഇസ്ലാം മുഴുവനായും പ്രചരിപ്പിക്കുകയും ചെയ്യുന്നതാണ് ജിഹാദ്. ജിഹാദിന്റെ ലക്ഷ്യം ആളുകളെ ഇസ്ലാമിലേക്ക് പരിവർത്തനം ചെയ്യിക്കുക എന്നതാണ്. ബലപ്രയോഗത്തിലൂടെ ഇസ്ലാം മതത്തിലേക്ക് എത്തുന്നവർക്ക് പിന്നീട്, സ്വന്തം ഇഷ്ടപ്രകാരം മതം മാറാത്തതിൽ ഖേദിക്കുന്നുണ്ട്,’ ഹമീദ് ദബ്ബൂസ് വ്യക്തമാക്കി.
Post Your Comments