നി​യ​ന്ത്ര​ണംവിട്ട ലോ​റി പോ​സ്റ്റി​ലി​ടി​ച്ചു : രണ്ടു പേർക്ക് പരിക്ക്

അ​മ്പ​ല​പ്പു​ഴ: നി​യ​ന്ത്ര​ണംവിട്ട ലോ​റി പോ​സ്റ്റി​ലി​ടി​ച്ചുണ്ടായ അപകടത്തിൽ ര​ണ്ടു പേ​ർ​ക്കു പ​രി​ക്ക്. അ​പ​ക​ട​ത്തെത്തു​ട​ർ​ന്ന്, എ​ട്ടു വൈ​ദ്യു​ത​പോ​സ്റ്റുകൾ തകർന്നു. അ​പ​ക​ട​ത്തി​ൽ ലോ​റി ഡ്രൈ​വ​ർ ക​ണ്ണൂ​ർ ക​തി​രൂ​ർ സ്വ​ദേ​ശി ജി​ൻ​സ​ൺ ടോ​ൺ (31), ക​ണ്ണൂ​ർ മ​ന്നാ​രി​ക്കു​ഴിപാ​ലം സോ​ണി (38) എ​ന്നി​വ​ർ​ക്കാ​ണ് പ​രി​ക്കേറ്റത്.
‌‌
പു​ന്ന​പ്ര അ​റ​വു​കാ​ടി​ന് സ​മീ​പം ഇ​ന്ന​ലെ പു​ല​ർ​ച്ചെ​യാ​യി​രു​ന്നു അ​പ​ക​ടം. പോസ്റ്റുകൾ തകർന്നതിനെ തുടർന്ന്, മ​ണി​ക്കൂ​റു​ക​ളോ​ളം പ്ര​ദേ​ശം മു​ഴു​വ​ൻ വൈ​ദ്യു​തി നി​ല​ച്ചു. കൊ​ല്ല​ത്തു​ നി​ന്നു ക​ണ്ണൂ​രി​നു പോ​യ ലോ​റി​യാ​ണ് നി​യ​ന്ത്ര​ണം തെ​റ്റി വൈ​ദ്യു​ത​പോ​സ്റ്റി​ലി​ടി​ച്ച ശേ​ഷം, പോ​ളി​ടെ​ക്നി​ക്കി​ന്‍റെ മ​തി​ലി​ൽ ഇ​ടി​ച്ചു നി​ന്ന​ത്. അ​പ​ക​ട​ത്തെത്തു​ട​ർ​ന്ന്, ലോ​റി​യു​ടെ മു​ൻ​ഭാ​ഗം പൂ​ർ​ണ​മാ​യും ത​ക​ർ​ന്നു.

Read Also : പോ​സ്റ്റോ​ഫീ​സ് വ​ഴി കഞ്ചാവ് കടത്തൽ : ഒരാൾ കസ്റ്റഡിയിൽ

അപകടത്തിൽ പരിക്കേറ്റവ​രെ വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ആ​ദ്യ​ത്തെ ഇ​ടി​യി​ൽ ദേ​ശീയപാ​ത​യി​ലേ​ക്ക് ഒ​രു പോ​സ്റ്റ് നി​ലംപൊ​ത്തി. തു​ട​ർ​ന്ന്, പിറ​കേ വ​ന്ന ലോ​റി വൈ​ദ്യു​തിക​മ്പി​യു​മാ​യി മു​ന്നോ​ട്ടു പാ​യു​മ്പോ​ഴാ​ണ് റോ​ഡി​ന്‍റെ കി​ഴ​ക്കു​വ​ശം നി​ന്ന ഏ​ഴോ​ളം പോ​സ്റ്റു​ക​ൾ നി​ലം പൊ​ത്തി​യ​ത്. ഈ ​സ​മ​യ​ത്ത് റോ​ഡി​ൽ മ​റ്റു വാ​ഹ​ന​ങ്ങ​ൾ ഇ​ല്ലാ​തി​രു​ന്ന​ത് വ​ൻ ദു​ര​ന്തം ഒ​ഴി​വാ​ക്കി.

പോ​സ്റ്റ് ഒ​ടി​ഞ്ഞുവീ​ഴു​ന്ന ശ​ബ്ദം കേ​ട്ട് ഓ​ടി​ക്കൂ​ടി​യ അ​റ​വു​കാ​ട് കോ​ള​നി​വാ​സി​ക​ളാ​ണ് പു​ന്ന​പ്ര വൈ​ദ്യു​ത ഓ​ഫീ​സി​ൽ വി​വ​ര​മ​റി​യി​ച്ച​ത്. തു​ട​ർ​ന്ന്, ജീ​വ​ന​ക്കാ​രെ​ത്തി പോ​സ്റ്റ് മാ​റ്റി വൈ​ദ്യു​തബന്ധം പു​നഃ​സ്ഥാ​പിക്കുകയായിരുന്നു. എ​ട്ടു മ​ണി​ക്കൂ​റോ​ള​മാ​ണ് ഈ ​ഭാ​ഗ​ത്ത് വൈ​ദ്യു​തി നി​ല​ച്ച​ത്.