‘പനിക്കുള്ള ഗുളിക പോലും ഇല്ലാത്തൊരു സ്ഥിതിയാക്കിട്ടാണ് ഓന്റെ ഒരു വിത്ത് നാടകം’: പ്രഫുൽ പട്ടേലിനെതിരെ ഐഷ

ലക്ഷദ്വീപ് അഡ്മിനിസ്ട്രേഷനെതിരെ വിമർശനവുമായി ഐഷ സുൽത്താന. ലക്ഷദ്വീപിൽ കൃഷി വകുപ്പ് തന്നെ പിരിച്ചുവിട്ടിട്ട് ഇപ്പോൾ നാടകവുമായി ഇറങ്ങിയിരിക്കുകയാണ് പ്രഫുൽ പട്ടേൽ എന്ന് ഐഷ പറയുന്നു. സോഷ്യൽ മീഡിയ പോസ്റ്റിലൂടെയാണ് താരത്തിന്റെ വിമർശനം.

read also: പണപ്പെരുപ്പം നിയന്ത്രണവിധേയമാക്കാൻ രണ്ടുലക്ഷം കോടി രൂപ കൂടി ചെലവഴിക്കാനൊരുങ്ങി കേന്ദ്രസര്‍ക്കാര്‍: റിപ്പോര്‍ട്ട്

കുറിപ്പ് പൂർണ്ണ രൂപം

ലക്ഷദ്വീപ് അഡ്മിനിസ്ട്രേഷൻ ഒരുപാട് പ്രഹസന നാടകങ്ങൾ നടത്തുന്ന ഈ കാലഘട്ടത്തിൽ അത്തരം മറ്റൊരു നാടകം കൂടി ഇന്ന് അരങ്ങേറിയിരിക്കയാണ് Farmers’ outreach program പോലും, അതായത് കൃഷിവകുപ്പ് തന്നെ പിരിച്ച് വിട്ടിട്ട് ഇപ്പൊ വിത്ത് നാടകമായി ഇറങ്ങിയേക്കുവാണ് 🤦🏻‍♀️

1: അവിടെ രോഗികൾക്ക് പോലും യാത്ര ചെയ്യാനുള്ള കപ്പലുകൾ ഇല്ലാതെ ഈ ജനങ്ങൾ ബുദ്ധിമുട്ടുമ്പോൾ ആണ് അയാളുടെ ഒരു വിത്ത് നാടകം…

2: 3000 ആളുകളെ ജോലികളിൽ നിന്നും പിരിച്ച് വീട്ടിട്ടാണ് അയാളുടെ ഒരു വിത്ത് നാടകം…

3: ലക്ഷദ്വീപിന്റെ തന്നെ മൊത്തം ഇക്കണോമിക്ക് തകർത്ത് തരിപ്പണമാക്കിട്ടാണ് അയാളുടെ ഒരു വിത്ത് നാടകം…

4: പത്ത് ദ്വീപുകളിലെ ഹോസ്പിറ്റലുകളിൽ, ഡോക്ടർമ്മാരുമില്ല, പനിക്കുള്ള ഗുളിക പോലും ഇല്ലാത്തൊരു സ്ഥിതിയാക്കിട്ടാണ് ഓന്റെ ഒരു വിത്ത് നാടകം…

5: ലക്ഷദ്വീപിലേക്ക് ഓടിക്കൊണ്ടിരുന്ന ഏഴ് കപ്പലുകളിൽ നിന്നും അത് രണ്ടായി വെട്ടി കുറച്ചിട്ടാണ് ഓന്റെ ഒരു വിത്ത് നാടകം…

6: ലക്ഷദ്വീപിലെ പഴയ കോളേജുകളിലേക്ക് പുതിയ പെയിന്റ് അടിച്ചു അത് പുതിയതാണെന്ന് വരുതി, അവിടത്തെ ടീച്ചർമ്മാരെയും പിരിച്ച് വിട്ടിട്ടാണ് ഓന്റെ ഒരു വിത്ത് നാടകം…

7: മത്സ്യബന്ധന തൊഴിലാളികളുടെ ശ്ശെഡ്ഡുകൾ തകർത്ത് തരിപ്പണമാക്കിട്ടാണ് ഓന്റെ ഒരു വിത്ത് നാടകം…

8: പോലിസ് ലോക്കപ്പ് പോലും കാലിയായി കിടക്കുന്ന ദ്വീപിലേക്ക് 26 കോടിയുടെ ജയിൽ പണിയാനുള്ള കൊട്ടേഷൻ ഉണ്ടാക്കിട്ടാണ് ഓന്റെ ഒരു വിത്ത് നാടകം…

9: ലക്ഷദ്വീപിലെ തെങ്ങുകളിലേക്ക് കാവി പെയിന്റ് അടിച്ചു അതൊക്കെ കീടനാശിനികൾ നശിക്കാനാണെന്ന് പറഞ്ഞുണ്ടാക്കിയ ഓന്റെ വിത്ത് നാടകം…

10: ലക്ഷദ്വീപിലെ വിദ്യാർത്ഥികൾ മാംസാഹാരം കഴിച്ചാൽ ഉറങ്ങി പോകുമെന്ന് പറഞ്ഞുണ്ടാക്കിയവനാണ് ഇന്ന് വിത്ത് നാടകം നടത്തിയത്…

11: വികസനത്തിന്റെ പേരും പറഞ്ഞ് ആ നാട്ടുകാരെ അവരവരുടെ വീട്ടിൽ നിന്നും ഇറക്കി വിടാൻ ശ്രമിച്ചയാളാണ് ഇന്ന് വിത്ത് നാടകം നടത്തിയത്…

12: ഒരൊറ്റ ഗുണ്ടകൾ പോലുമില്ലാത്ത ലക്ഷദ്വീപിലേക്കാണ് ഗുണ്ടാ ആക്റ്റ് കൊണ്ട് വരാൻ ശ്രമിച്ച , ആ വ്യക്തിയാണ് ഇന്ന് വിത്ത് നാടകം നടത്തിയത്…

13: പണ്ട് ഉണ്ടായിരുന്ന പെട്രോൾ പമ്പ്, അതിപ്പോ പുതിയതായി ഉൽഘടനം ചെയ്തിട്ട് അത് വാർത്തയാക്കി പ്രചരിപ്പിച്ചിട്ട് കൂടി,ഇന്നാ ആ നാട്ടിൽ പെട്രോളും ഡീസലും പോയിട്ട് മണ്ണെണ്ണ പോലും ഇല്ലാത്ത അവസ്ഥയാക്കിട്ടാണ് ഓന്റെ ഒരു വിത്ത് നാടകം…

ഇനി താങ്കൾ തന്നെ പറ ഇങ്ങനെ വിത്ത് നാടകം നടത്തിയാൽ മാത്രം മതിയോ ദാസാ ☺️