മാ​രാ​രി​ക്കു​ള​ത്ത് വ​ൻ ല​ഹരിവേട്ട : ര​ണ്ടു​പേ​ർ അ​റ​സ്റ്റി​ൽ

ആ​ല​പ്പു​ഴ: മാ​രാ​രി​ക്കു​ള​ത്ത് വ​ൻ ഹാ​ൻ​സ് ശേ​ഖ​രം പിടികൂടി. സംഭവുമായി ബന്ധപ്പെട്ട് രണ്ടുപേരെ പൊലീസ് അറസ്റ്റ് ചെയ്തു. കാ​ട്ടൂ​ർ തെ​ക്ക് ചാ​ണി​യി​ൽ രാ​ജു (56), മാ​രാ​രി​ക്കു​ളം തെ​ക്ക് അ​റ​യ്ക്ക​ൽ വീ​ട്ടി​ൽ ജോ​ർ​ജ് (62) എ​ന്നി​വ​രാ​ണ് അ​റ​സ്റ്റി​ലാ​യ​ത്. ജി​ല്ലാ ല​ഹ​രിവി​രു​ദ്ധ സ്ക്വാ​ഡും മാ​രാ​രി​ക്കു​ളം പൊ​ലീ​സും സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ലാണ് വ​ൻ ഹാ​ൻ​സ് ശേ​ഖ​രം ക​ണ്ടെ​ത്തിയത്. 20 ല​ക്ഷം രൂ​പ വി​ല വ​രു​ന്ന ഹാ​ൻ​സാ​ണു പി​ടി​കൂ​ടി​യ​ത്.

Read Also : ഇംഗ്ലണ്ട് പര്യടനം: ഇന്ത്യന്‍ ടെസ്റ്റ് ടീമിനൊപ്പം ക്യാപ്റ്റന്‍ രോഹിത് ശര്‍മയില്ലെന്ന് റിപ്പോർട്ട്

ക​ണി​ച്ചു​കു​ള​ങ്ങ​ര ഹൈ​സ് സ്കൂ​ൾ ഗ്രൗ​ണ്ടി​ൽ പ്ല​സ് ടു​വി​നു പ​ഠി​ക്കു​ന്ന കു​ട്ടി​ക​ൾ​ക്ക് ആ​ഡം​ബ​ര കാ​റി​ൽ വ​ന്ന് ഹാ​ൻ​സ് കൊ​ടു​ക്കു​ന്ന​തു ക​ണ്ടു ന​ട​ത്തി​യ റെ​യ്ഡി​ൽ 100 പാ​യ്ക്ക​റ്റ് ഹാ​ൻ​സ് പി​ടി​ച്ചെ​ടു​ത്തു. തു​ട​ർ​ന്നു​ള്ള ചോ​ദ്യം ചെ​യ്യ​ലി​ൽ ജോ​ർ​ജി​ന്‍റെ വീ​ട്ടി​ൽ ഒ​ളി​പ്പി​ച്ചു​വ​ച്ചി​രു​ന്ന 35000 പാ​യ്ക്ക​റ്റ് ഹാ​ൻ​സ് ശേ​ഖ​ര​വും പി​ടി​കൂ​ടി. 21 വ​ലി​യ ചാ​ക്കു​ക​ളി​ലാ​ണ് ഇ​വ സൂ​ക്ഷി​ച്ചി​രു​ന്ന​ത്. ഒ​രു പാ​യ്ക്ക​റ്റി​ന് 20 രൂ​പ​യ്ക്ക് കി​ട്ടു​ന്ന ഹാ​ൻ​സ് ഇ​വ​ർ 50 – 60 രൂ​പ​യ്ക്കാ​ണ് വി​റ്റി​രു​ന്ന​ത്.

ജി​ല്ലാ പൊ​ലീ​സ് മേ​ധാ​വി ജി. ​ജ​യ്ദേ​വി​ന്‍റെ നി​ർ​ദ്ദേ​ശ​ത്തെ തു​ട​ർ​ന്ന്, ആ​ല​പ്പു​ഴ ന​ർ​ക്കോ​ട്ടി​ക് സെ​ൽ ഡി​വൈ​എ​സ്പി എം.​കെ. ബി​നു​കു​മാ​ർ, മാ​രാ​രി​ക്കു​ളം ഇ​ൻ​സ്‌​പെ​ക്ട​ർ രാ​ജേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പരിശോധന. പ്ര​തി​ക​ളെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.