പെരിന്തൽമണ്ണ: മാരക ലഹരിമരുന്നായ എംഡിഎംഎയും കഞ്ചാവുമായി യുവാവ് അറസ്റ്റിൽ. പുലാമന്തോൾ കുരുവമ്പലം സ്രാമ്പിക്കൽ അഫ്സൽ ഉബൈദി(28)നെയാണ് പൊലീസ് പിടികൂടിയത്. പെരിന്തൽമണ്ണ എസ്ഐ സി.കെ. നൗഷാദും സംഘവും ആണ് പ്രതിയെ അറസ്റ്റു ചെയ്തത്.
കഴിഞ്ഞദിവസം മാലാപറമ്പ് എംഇഎസ് മെഡിക്കൽ കോളജിന് സമീപം വാഹന പരിശോധനക്കിടെ കൊളത്തൂർ ഭാഗത്തു നിന്ന് പെരിന്തൽമണ്ണ ഭാഗത്തേക്ക് വന്ന ബൈക്ക് പൊലീസ് പരിശോധിക്കുകയായിരുന്നു. തുടർന്നാണ് എംഡിഎംഎയും കഞ്ചാവും യുവാവിൽ നിന്നു കണ്ടെടുത്തത്. 1.16 ഗ്രാം എംഡിഎംഎയും 428 ഗ്രാം കഞ്ചാവുമാണ് പിടിച്ചെടുത്തത്. ഇയാളുടെ ബൈക്കും കസ്റ്റഡിയിലെടുത്തിട്ടുണ്ട്.
Read Also : ഫ്ലിപ്കാർട്ട്: മോട്ടോറോള ഡേയ്സ് ഓഫറുകൾ ആരംഭിച്ചു
പ്രബേഷൻ എസ്ഐ ശൈലേഷ്, പൊലീസുകാരായ ഷാലു, സജീർ, മിഥുൻ, നജീബ് എന്നിവരും അന്വേഷണ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി.
Post Your Comments