റേ​ഷ​ന്‍ ക​ട​യി​ല്‍​ നി​ന്ന് അ​രി കടത്താന്‍ ജീവനക്കാരന്റെ ശ്രമം

പ​ഴ​യ​ന്നൂ​ര്‍: റേ​ഷ​ന്‍ ക​ട​യി​ല്‍​ നി​ന്ന് അ​രി ക​ട​ത്താ​നു​ള്ള ജീവനക്കാരന്റെ ശ്ര​മം തടഞ്ഞ് നാട്ടുകാര്‍. നാ​ലു ചാ​ക്കു​ക​ളി​ല്‍ പെ​ട്ടി ഓ​ട്ടോ​യി​ല്‍ ക​യ​റ്റി​യ 200 കി​ലോ മ​ട്ട അ​രി നാ​ട്ടു​കാ​ര്‍ കൈ​യോ​ടെ പി​ടി​കൂ​ടി. ലൈ​സ​ന്‍​സി ക​ല്ലേ​പ്പാ​ടം വ​ട​ക്കൂ​ട്ട് സ​ജി​ത​യു​ടെ വെ​ള്ളാ​ര്‍​കു​ള​ത്തു​ള്ള എ.​ആ​ര്‍.​ഡി 232-ാം നമ്പ​ര്‍ റേ​ഷ​ന്‍ ക​ട​യി​ല്‍ നി​ന്നാ​ണ് അ​രി കടത്താന്‍ ശ്രമിച്ചത്. ഇ​തോ​ടൊ​പ്പം ക​ട​ക്കു​ള്ളി​ല്‍ 16 ചാ​ക്ക് അ​രി മാ​റ്റി നി​റ​ച്ചു കെ​ട്ടി​വെ​ച്ച നി​ല​യി​ലും ക​ണ്ടെ​ത്തി.

ഈ സമയം ലൈ​സ​ന്‍​സി​യാ​യ സ​ജി​ത ക​ട​യി​ല്‍ ഉണ്ടായിരുന്നില്ല. വി​ല്‍​പ​ന​ക്കാ​ര​ന്‍ മൊ​യ്തു​വാ​ണ് ക​ട ന​ട​ത്തു​ന്ന​ത്. ഇ​യാ​ളാ​ണ് കഴിഞ്ഞ ദിവസം ഉ​ച്ച​യോ​ടെ അ​രി ക​ട​ത്താ​ന്‍ ശ്രമം നടത്തിയത്. സംഭവം അ​റി​യി​ച്ച​തി​നെ തു​ട​ര്‍​ന്ന്, പൊലീ​സും പി​ന്നീ​ട് റേ​ഷ​നി​ങ് ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി ന​ട​ത്തി​യ പ​രി​ശോ​ധ​ന​യി​ല്‍ 520 കി​ലോ​യോ​ളം മ​ട്ട അ​രി അ​ധി​ക​വും 64 കി​ലോ പു​ഴു​ക്ക​ല​രി​യു​ടെ കു​റ​വും ക​ണ്ടെ​ത്തി. റേ​ഷ​ന്‍ അ​രി​യി​ല്‍ തി​രി​മ​റി ന​ട​ന്ന​താ​യി ഉ​ദ്യോ​ഗ​സ്ഥ​ര്‍ ക​ണ്ടെ​ത്തി​യ​തി​നെ തു​ട​ര്‍​ന്ന്, താ​ല്‍​ക്കാ​ലി​ക​മാ​യി റേ​ഷ​ന്‍ ക​ട​യു​ടെ പ്ര​വ​ര്‍​ത്ത​നം മ​റ്റൊ​രു ക​ട​യി​ലേ​ക്ക് മാ​റ്റി.

Read Also : വിക്ഷേപണം പാളി: പോയ പോലെ തിരിച്ചുവന്ന മിസൈൽ റഷ്യൻ ട്രൂപ്പുകളെ ചാമ്പലാക്കി

ക​ട​ത്താ​ന്‍ ശ്ര​മി​ച്ച നാ​ലു ചാ​ക്ക് അ​രി​യും ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ല്‍ ഈ ​ക​ട​യി​ലേ​ക്ക് മാ​റ്റി. താ​ലൂ​ക്ക് സ​പ്ലൈ ഓ​ഫി​സ​ര്‍ ഇ​ന്‍ ചാ​ര്‍​ജ് സാ​ബു പോ​ള്‍ ത​ട്ടി​ല്‍, റേ​ഷ​നി​ങ് ഇ​ന്‍​സ്‌​പെ​ക്ട​ര്‍​മാ​രാ​യ റീ​ന വ​ര്‍​ഗീ​സ്, ടി.​എ​സ്. ര​തീ​ഷ്, കെ.​വി. വി​ജി എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഇവിടെ പ​രി​ശോ​ധ​ന ന​ട​ത്തി​യ​ത്. ആ​വ​ശ്യ​പ്പെ​ടുമ്പോ​ള്‍ ഹാ​ജ​രാ​ക്ക​ണ​മെ​ന്ന നി​ര്‍​ദ്ദേ​ശ​ത്തിന്റെ അടിസ്ഥാനത്തില്‍ റേ​ഷ​ന്‍ ക​ട​ത്തി​യ വാ​ഹ​നം ഉ​ട​മ​ക്ക് വി​ട്ടു​ന​ല്‍​കി.