Latest NewsDevotional

ശത്രുക്കളെ നശിപ്പിക്കുന്ന കാലഭൈരവ അഷ്ടകം

ദേവരാജസേവ്യമാനപാവനാംഘ്രിപങ്കജം
വ്യാലയജ്ഞസൂത്രമിന്ദുശേഖരം കൃപാകരം । var
നാരദാദിയോഗിവൃന്ദവന്ദിതം ദിഗംബരം
കാശികാപുരാധിനാഥകാലഭൈരവം ഭജേ ॥ 1॥

ഭാനുകോടിഭാസ്വരം ഭവാബ്ധിതാരകം പരം
നീലകണ്ഠമീപ്സിതാര്‍ഥദായകം ത്രിലോചനം ।
കാലകാലമംബുജാക്ഷമക്ഷശൂലമക്ഷരം
കാശികാപുരാധിനാഥകാലഭൈരവം ഭജേ ॥ 2॥

ശൂലടംകപാശദണ്ഡപാണിമാദികാരണം
ശ്യാമകായമാദിദേവമക്ഷരം നിരാമയം ।
ഭീമവിക്രമം പ്രഭും വിചിത്രതാണ്ഡവപ്രിയം
കാശികാപുരാധിനാഥകാലഭൈരവം ഭജേ ॥ 3॥

ഭുക്തിമുക്തിദായകം പ്രശസ്തചാരുവിഗ്രഹം
ഭക്തവത്സലം സ്ഥിതം സമസ്തലോകവിഗ്രഹം ।
വിനിക്വണന്‍മനോജ്ഞഹേമകിങ്കിണീലസത്കടിം
കാശികാപുരാധിനാഥകാലഭൈരവം ഭജേ ॥ 4॥

ധര്‍മസേതുപാലകം ത്വധര്‍മമാര്‍ഗനാശകം
കര്‍മപാശമോചകം സുശര്‍മദായകം വിഭും ।
സ്വര്‍ണവര്‍ണശേഷപാശശോഭിതാംഗമണ്ഡലം
കാശികാപുരാധിനാഥകാലഭൈരവം ഭജേ ॥ 5॥

രത്നപാദുകാപ്രഭാഭിരാമപാദയുഗ്മകം
നിത്യമദ്വിതീയമിഷ്ടദൈവതം നിരംജനം ।
മൃത്യുദര്‍പനാശനം കരാലദംഷ്ട്രമോക്ഷദം
കാശികാപുരാധിനാഥകാലഭൈരവം ഭജേ ॥ 6॥

അട്ടഹാസഭിന്നപദ്മജാണ്ഡകോശസംതതിം
ദൃഷ്ടിപാതനഷ്ടപാപജാലമുഗ്രശാസനം ।
അഷ്ടസിദ്ധിദായകം കപാലമാലികാധരം
കാശികാപുരാധിനാഥകാലഭൈരവം ഭജേ ॥ 7॥

ഭൂതസംഘനായകം വിശാലകീര്‍തിദായകം
കാശിവാസലോകപുണ്യപാപശോധകം വിഭും ।
നീതിമാര്‍ഗകോവിദം പുരാതനം ജഗത്പതിം
കാശികാപുരാധിനാഥകാലഭൈരവം ഭജേ ॥ 8॥

॥ ഫല ശ്രുതി ॥

കാലഭൈരവാഷ്ടകം പഠംതി യേ മനോഹരം
ജ്ഞാനമുക്തിസാധനം വിചിത്രപുണ്യവര്‍ധനം ।
ശോകമോഹദൈന്യലോഭകോപതാപനാശനം
തേ പ്രയാന്തി കാലഭൈരവാംഘ്രിസന്നിധിം ധ്രുവം ॥

തേ പ്രയാന്തി കാലഭൈരവാംഘ്രിസന്നിധിം ധ്രുവം ॥

 

॥ ഇതി ശ്രീമത്പരമഹംസപരിവ്രാജകാചര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
ശ്രീ കാലഭൈരവാഷ്ടകം സമ്പൂര്‍ണം ॥

shortlink

Related Articles

Post Your Comments

Related Articles


Back to top button