നവദുര്‍ഗാ സ്തോത്രം

ദേവീ ശൈലപുത്രീ ।
വന്ദേ വാഞ്ഛിതലാഭായ ചന്ദ്രാര്‍ധകൃതശേഖരാം ।
വൃഷാരൂഢാം ശൂലധരാം ശൈലപുത്രീ യശസ്വിനീം ॥

ദേവീ ബ്രഹ്മചാരിണീ ।
ദധാനാ കരപദ്മാഭ്യാമക്ഷമാലാകമണ്ഡലൂ ।
ദേവീ പ്രസീദതു മയി ബ്രഹ്മചാരിണ്യനുത്തമാ ॥

ദേവീ ചന്ദ്രഘണ്ടേതി ।
പിണ്ഡജപ്രവരാരൂഢാ ചണ്ഡകോപാസ്ത്രകൈര്യുതാ ।
പ്രസാദം തനുതേ മഹ്യം ചന്ദ്രഘണ്ടേതി വിശ്രുതാ ॥

ദേവീ കൂഷ്മാംഡാ ।
സുരാസമ്പൂര്‍ണകലശം രുധിരാപ്ലുതമേവ ച ।
ദധാനാ ഹസ്തപദ്മാഭ്യാം കൂഷ്മാണ്ഡാ ശുഭദാസ്തു മേ ॥

ദേവീസ്കന്ദമാതാ ।
സിംഹാസനഗതാ നിത്യം പദ്മാശ്രിതകരദ്വയാ ।
ശുഭദാസ്തു സദാ ദേവീ സ്കന്ദമാതാ യശസ്വിനീ ॥

ദേവീകാത്യായനീ ।
ചന്ദ്രഹാസോജ്ജ്വലകരാ ശാര്‍ദൂലവരവാഹനാ ।
കാത്യായനീ ശുഭം ദദ്യാദേവീ ദാനവഘാതിനീ ॥

ദേവീകാലരാത്രി ।
ഏകവേണീ ജപാകര്‍ണപൂരാ നഗ്നാ ഖരാസ്ഥിതാ ।
ലംബോഷ്ഠീ കര്‍ണികാകര്‍ണീ തൈലാഭ്യക്തശരീരിണീ ॥

വാമപാദോല്ലസല്ലോഹലതാകണ്ടകഭൂഷണാ ।
വര്‍ധനമൂര്‍ധ്വജാ കൃഷ്ണാ കാലരാത്രിര്‍ഭയങ്കരീ ॥

ദേവീമഹാഗൌരീ ।
ശ്വേതേ വൃഷേ സമാരൂഢാ ശ്വേതാംബരധരാ ശുചിഃ ।
മഹാഗൌരീ ശുഭം ദദ്യാന്‍മഹാദേവപ്രമോദദാ ॥

ദേവീസിദ്ധിദാത്രി ।
സിദ്ധഗന്ധര്‍വയക്ഷാദ്യൈരസുരൈരമരൈരപി ।
സേവ്യമാനാ സദാ ഭൂയാത് സിദ്ധിദാ സിദ്ധിദായിനീ ॥