തലയോലപ്പറമ്പ്: ഹാഷിഷ് ഓയിലുമായി രണ്ട് യുവാക്കൾ അറസ്റ്റിൽ. കുലശേഖരമംഗലം സുദർശനാലയത്തിൽ എസ്. രോഹിത് (24), കാസർഗോഡ്ട് നീലേശ്വരം വ്യൂവേഴ്സ് സ്ട്രീറ്റ് ശ്രീദേവിനിലയത്തിൽ പൃഥിരാജ് (25) എന്നിവരാണ് അറസ്റ്റിലായത്.
മറവൻതുരുത്ത് ചുങ്കത്ത് വെള്ളിയാഴ്ച വൈകുന്നേരം ആണ് സംഭവം. പൊലീസിന് ലഭിച്ച രഹസ്യ വിവരത്തെത്തുടർന്ന്, മറവൻതുരുത്ത് ചുങ്കം ഭാഗത്ത് പൊലീസ് വാഹന പരിശോധന നടത്തിയപ്പോഴാണ് ബൈക്കിൽ എത്തിയ യുവാക്കൾ തലയോലപ്പറമ്പ് പൊലീസിന്‍റെ പിടിയിലായത്. ഇവരിൽ നിന്നും അഞ്ച് മില്ലിഗ്രാം ഹാഷിഷ് ഓയിൽ പിടിച്ചെടുത്തിട്ടുണ്ട്.
Read Also : വരണ്ട ചർമ്മമുള്ളവർ ശ്രദ്ധിക്കേണ്ട ചില കാര്യങ്ങളിതാ…
മൂന്നാർ അഡ്വഞ്ചർ ടൂറിസം കേന്ദ്രത്തിലാണ് രോഹിത് ജോലി ചെയ്യുന്നത്. പൃഥിരാജ് മംഗലാപുരത്തു നിന്ന് കൊണ്ടുവന്ന ഹാഷിഷ് ഓയിൽ രോഹിതിനെയും കൂട്ടി മൂന്നാറിലേക്കു കൊണ്ടുപോകാനായി ശ്രമിക്കുമ്പോഴാണ് ഇരുവരും പിടിയിലായത്. പ്രതികളെ കോടതിയിൽ ഹാജരാക്കി.
Post Your Comments