ആക്സിസ് ബാങ്ക്: തിരഞ്ഞെടുത്ത കാലയളവിലെ സ്ഥിര നിക്ഷേപങ്ങളുടെ പലിശ നിരക്ക് വർദ്ധിപ്പിച്ചു

തിരഞ്ഞെടുത്ത കാലയളവിലെ സ്ഥിര നിക്ഷേപങ്ങളുടെ പലിശ നിരക്ക് വർദ്ധിപ്പിച്ച് രാജ്യത്തെ സ്വകാര്യ മേഖല വായ്പാ ദാതാവായ ആക്സിസ് ബാങ്ക്. രണ്ടുകോടി രൂപയിൽ താഴെയുള്ള സ്ഥിര നിക്ഷേപങ്ങളുടെ പലിശ നിരക്കാണ് ബാങ്ക് ഉയർത്തിയത്. പുതുക്കിയ പലിശ നിരക്കുകൾ സെപ്തംബർ 7 മുതൽ പ്രാബല്യത്തിലായി. ആക്സിസ് ബാങ്കിന്റെ സ്ഥിര നിക്ഷേപ പലിശ നിരക്കുകൾ പരിശോധിക്കാം.

7 ദിവസം മുതൽ 29 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക് 2.50 ശതമാനം പലിശയാണ് വാഗ്ദാനം ചെയ്യുന്നത്. 30 ദിവസം മുതൽ മൂന്നുമാസം വരെ കാലാവധിയുളള ടേം ഡെപ്പോസിറ്റുകൾക്ക് 3 ശതമാനം പലിശ ലഭിക്കും. 3 മാസം മുതൽ 6 മാസം വരെയുള്ള സ്ഥിര നിക്ഷേപങ്ങൾക്ക് 3.50 ശതമാനമാണ് ബാങ്ക് പലിശ നൽകുക. 6 മാസം മുതൽ 7 മാസം വരെയുള്ള ടേം ഡെപ്പോസിറ്റുകൾക്ക് 4.65 ശതമാനം പലിശയും 7 മാസം മുതൽ 8 മാസം വരെ കാലാവധിയുള്ള സ്ഥിര നിക്ഷേപങ്ങൾക്ക് 4.40 ശതമാനവുമാണ് പലിശ ലഭിക്കുക.

Also Read: മധ്യപ്രദേശിന്റെ ചുമതലയിൽ നിന്നും മുകുൾ വാസ്‌നിക്കിനെ നീക്കി കോൺഗ്രസ്

8 മാസം മുതൽ 9 മാസത്തിനുള്ളിൽ കാലാവധി പൂർത്തിയാക്കുന്ന സ്ഥിര നിക്ഷേപങ്ങൾക്ക് 4.65 ശതമാനവും 9 മാസം മുതൽ 1 വർഷം വരെ കാലാവധി പൂർത്തിയാക്കുന്ന സ്ഥിര നിക്ഷേപങ്ങൾക്ക് 4.75 ശതമാനവും പലിശ ലഭിക്കുന്നതാണ്. അതേസമയം, മുതിർന്ന പൗരന്മാർക്ക് 7 ദിവസം മുതൽ 10 വർഷം വരെ കാലാവധിയുള്ള നിക്ഷേപങ്ങളിൽ 2.50 ശതമാനം മുതൽ 6.50 ശതമാനം വരെ പലിശ ലഭിക്കും.