വിപണി കീഴടക്കാൻ പുതിയ ഫോണുമായി ഓപ്പോ, ആദ്യം പുറത്തിറക്കിയത് ഈ രാജ്യത്ത്

പ്രമുഖ സ്മാർട്ട്ഫോൺ നിർമ്മാതാക്കളായ ഓപ്പോയുടെ ഏറ്റവും പുതിയ സ്മാർട്ട്ഫോണായ ഓപ്പോ എ17 വിപണിയിൽ അവതരിപ്പിച്ചു. നിരവധി സവിശേഷതകൾ ഉൾക്കൊള്ളിച്ചിട്ടുള്ള ഓപ്പോ എ17 മലേഷ്യൻ വിപണിയിലാണ് ആദ്യമായി പുറത്തിറക്കിയിരിക്കുന്നത്. പ്രധാനമായും ലേക്ക് ബ്ലൂ, മിഡ്നൈറ്റ് ബ്ലാക്ക് എന്നീ കളർ ഓപ്ഷനുകളിലാണ് ഈ സ്മാർട്ട്ഫോൺ വാങ്ങാൻ സാധിക്കുക. മറ്റു സവിശേഷതകൾ പരിചയപ്പെടാം.

6.56 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 720 × 1,612 പിക്സൽ റെസല്യൂഷൻ കാഴ്ചവയ്ക്കുന്നുണ്ട്. മീഡിയടെക് ഹീലിയോ പി35 എസ്ഒസി പ്രോസസറിലാണ് ഈ ഫോണുകളുടെ പ്രവർത്തനം. ബ്ലൂടൂത്ത്, മൈക്രോ- യുഎസ്ബി പോർട്ട്, വൈഫൈ എന്നിവയാണ് പ്രധാന കണക്ടിവിറ്റി ഓപ്ഷനുകൾ.

ആൻഡ്രോയിഡ് 12 ആണ് ഓപ്പറേറ്റിംഗ് സിസ്റ്റം. 50 മെഗാപിക്സൽ മെയിൻ ക്യാമറയാണ് പിന്നിൽ നൽകിയിട്ടുള്ളത്. 4 ജിബി റാം പ്ലസ് 64 ജിബി ഇന്റേണൽ സ്റ്റോറേജിൽ പുറത്തിറക്കിയ ഓപ്പോ എ17 സ്മാർട്ട്ഫോണുകളുടെ മലേഷ്യൻ വിപണിയിലെ വില MYR 599 (ഏകദേശം 10,600 രൂപ) ആണ്.