ചർമ്മത്തിന് നിറം നൽകാൻ വെളിച്ചെണ്ണയും നാരങ്ങയും

ശുദ്ധമായ സൗന്ദര്യസംരക്ഷണ വഴിയാണ് വെളിച്ചെണ്ണ. അലർജി ഉൾപ്പെടെയുള്ള പല ചർമ്മപ്രശ്നങ്ങൾക്കുമുള്ള നല്ലൊരു മരുന്ന്. ചെറുനാരങ്ങയും സൗന്ദര്യസംരക്ഷണത്തിന് ഏറെ നല്ലതാണ്. പ്രകൃതിദത്ത ബ്ലീച്ചിംഗ് ഗുണങ്ങൾ നൽകുന്ന ഒന്ന്.

2 ടേബിൾസ്പൂൺ വെളിച്ചെണ്ണയെടുക്കുക. ഇതിലേയ്ക്ക് ഏതാനും തുള്ളി നാരങ്ങാനീരൊഴിയ്ക്കാം. ഇതു നല്ലപോലെ ചേർത്തിളക്കി മുഖത്തു പുരട്ടാം. മുഖം അല്പനേരം മൃദുവായി മസാജ് ചെയ്യുക. പിന്നീട് കടലമാവോ മറ്റു പ്രകൃതിദത്ത വഴികളോ ഉപയോഗിച്ച് അര മണിക്കൂറിനു ശേഷം ചെറുചൂടുവെള്ളത്തിൽ കഴുകിക്കളയാം.

Read Also : ശിവശങ്കറുമൊത്തുള്ള സ്വകാര്യ ചിത്രങ്ങളുൾപ്പെടെയുള്ള സ്വപ്നയുടെ ആത്മകഥ പുറത്ത് ഇറങ്ങി

ഇത് അടുപ്പിച്ച് കുറച്ചു ദിവസം ചെയ്യുക. വെളിച്ചെണ്ണയും ചെറുനാരങ്ങാനീരും ചേർന്ന മിശ്രിതം പ്രകൃതിദത്ത ബ്ലീച്ചായി പ്രവർത്തിയ്ക്കും. ഇത് ചർമ്മത്തിന് നല്ല നിറം നൽകും. കടലമാവിൽ തുല്യ അളവിൽ ചെറുനാരങ്ങാനീര്, വെളിച്ചെണ്ണ എന്നിവ കലർത്തി പുരട്ടി കാൽ മണിക്കൂർ കഴിയുമ്പോൾ ചെറുചൂടുവെള്ളം ഉപയോഗിച്ചു കഴുകാം.

ഇതും ചർമ്മത്തിനു വെളുപ്പു നൽകും. വെളിച്ചെണ്ണ ചർമത്തിനു മൃദുത്വം നൽകും. പ്രകൃതിദത്ത മോയിസ്ചറൈസർ കൂടിയാണിത്. ചെറുനാരങ്ങയിൽ ബ്ലീച്ചിംഗ് ഘടകങ്ങളുണ്ട്. ഇത് വെളുക്കാൻ സഹായിക്കും. ഈ മിശ്രിതം മുഖത്തിനു മിനുസവും മൃദുത്വവും നൽകാനും പാടുകൾ മാറാനുമെല്ലാം ഏറെ നല്ലതാണ്.