കൊൽക്കത്ത: ബംഗാളിൽ ബിരിയാണി കടകൾ അടപ്പിച്ച് തൃണമൂൽ കോൺഗ്രസ് നേതാവ്. പുരുഷന്റെ ലൈംഗികാസക്തി കുറയ്ക്കുന്നുവെന്ന പരാതി ഉയർന്നുവെന്ന് ആരോപിച്ചാണ് തൃണമൂൽ കോൺഗ്രസ് നേതാവ് ബംഗാളിലെ കടകൾ അടപ്പിച്ചത്. കൂച്ച് ബെഹാറിലെ രണ്ട് പ്രാദേശിക ബിരിയാണി കടകളാണ് അടച്ച് പൂട്ടിയത്. മമത ബാനർജി സർക്കാരിലെ മുൻ മന്ത്രി രവീന്ദ്രനാഥ് ഘോഷാണ് കടകൾ അടപ്പിച്ചത്.
പുരുഷന്റെ ലൈംഗികാസക്തി കുറയ്ക്കുന്ന ചേരുവകളാണ് ബിരിയാണി ഉണ്ടാക്കാൻ ഉപയോഗിക്കുന്നതെന്ന് കഴിഞ്ഞ കുറേ ദിവസങ്ങളായി പ്രദേശത്തെ ജനങ്ങൾക്ക് പരാതിയുണ്ടെന്നാണ് രവീന്ദ്രനാഥ് ഘോഷ് പറഞ്ഞത്. ബിഹാർ, ഉത്തർപ്രദേശ് തുടങ്ങിയ സംസ്ഥാനങ്ങളിൽ നിന്നുള്ള ആളുകൾ പ്രദേശത്ത് ബിരിയാണി വിൽക്കുന്നുണ്ടെന്നും ലൈസൻസില്ലാതെയാണ് കടകൾ പ്രവർത്തിക്കുന്നതെന്നും അദ്ദേഹം വ്യക്തമാക്കി. കൂച്ച് ബിഹാർ മുനിസിപ്പാലിറ്റിയുടെ നിലവിലെ ചെയർമാൻ കൂടിയാണ് രവീന്ദ്രനാഥ് ഘോഷ്.
Post Your Comments