Latest NewsfoodFoodChristmasSpecialsFestivals

ക്രിസ്തുമസിന് ഉണ്ടാക്കാം സ്പെഷ്യല്‍ തന്തൂരി ചിക്കന്‍

തന്തൂരി ചിക്കൻ എളുപ്പത്തിൽ വീട്ടിൽ ഉണ്ടാക്കാൻ കഴിയുന്ന ഒരു വിഭവമാണ്.

തന്തൂരി ചിക്കൻ എളുപ്പത്തിൽ വീട്ടിൽ ഉണ്ടാക്കാൻ കഴിയുന്ന ഒരു വിഭവമാണ്.പലപ്പോഴും ഇതറിയാതെ നമ്മൾ ഹോട്ടലിൽ നിന്ന് കഴിക്കുകയാണ് പതിവ്. ഈ ക്രിസ്തുമസിന് രുചിയൂറും തന്തൂരി ചിക്കൻ ഉണ്ടാക്കാം:
ആവശ്യമുള്ള ചേരുവകള്‍:

ചിക്കന്‍ – 5 കഷണം
ഇഞ്ചി-വെളുത്തുള്ളി പേസ്റ്റ് – 2 ടേബിള്‍ സ്പൂണ്‍
തൈര് – 100 ഗ്രാം
മുളകുപൊടി – 2 ടേബിള്‍ സ്പൂണ്‍
തന്തൂരി മസാല – 2 ടേബിള്‍ സ്പൂണ്‍
ഗരംമസാല – 1 ടീസ്പൂണ്‍
മല്ലി, ജീരകം – 1 ടീസ്പൂണ്‍
ലെമണ്‍ ജ്യൂസ് – 2 ടേബിള്‍ സ്പൂണ്‍
സണ്‍ഫ്ലവര്‍ ഓയില്‍ – 2 ടേബിള്‍ സ്പൂണ്‍
കസൂരി മേത്തി – 1 ടീസ്പൂണ്‍
വെള്ളം – 3 ടേബിള്‍ സ്പൂണ്‍
ഉപ്പ് – ആവശ്യത്തിന്

പാചകം ചെയ്യേണ്ട വിധം:

ചിക്കന്‍ വൃത്തിയായി കഴുകിയെടുക്കുക.ഉടച്ചെടുത്ത തൈരിലേക്ക് ഇഞ്ചി-വെളുത്തുള്ളി പേസ്റ്റ്, മുളകുപൊടി, തന്തൂരി മസാല, ഗരംമസാല, കസൂരി മേത്തി എന്നിവ ചേര്‍ക്കുക. മല്ലി, ജീരകം, ഉപ്പ്, ലെമണ്‍ ജ്യൂസ്, അര ടേബിള്‍ സ്പൂണ്‍ ഓയില്‍, കുറച്ച് വെള്ളം എന്നിവ മിക്സിയില്‍ അടിച്ചതും ഇതിലേക്ക് ചേര്‍ക്കുക.

വരഞ്ഞ കോഴി കഷണങ്ങളിലേക്ക് ഈ മിശ്രിതം പുരട്ടി ഒരു രാത്രി ഫ്രിഡ്ജില്‍ വയ്ക്കുക. ഉപയോഗിക്കുന്നതിന് അര മണിക്കൂര്‍ മുമ്പേ ഇത് പുറത്തെടുത്ത് വയ്ക്കുക. ഓയിലില്‍ കഷണങ്ങള്‍ വറുത്തെടുക്കുക. സവാളയും മല്ലിയിലയും വിതറി സ്വാദിഷ്ട്മായി കഴിക്കാം.

shortlink

Related Articles

Post Your Comments

Related Articles


Back to top button