റിയാദ്: സൗദി അറേബ്യയിൽ ശക്തമായ കാറ്റും കനത്ത മഴയും. സൗദിയിലെ അൽഖസീം പ്രവിശ്യയുടെ വിവിധ ഭാഗങ്ങളിലാണ് കാറ്റും മഴയും വലിയ നാശനഷ്ടം വിതച്ചത്. ശക്തമായ കാറ്റിൽ ബുറൈദ നഗരത്തിൽ കെട്ടിടത്തിന്റെ മുകൾനില ഇടിഞ്ഞുവീണു. കെട്ടിടം ഇടിഞ്ഞുവീണ് താഴെ പാർക്ക് ചെയ്തിരുന്ന നിരവധി കാറുകൾ നിശ്ശേഷം തകർന്നു.
ആളൊഴിഞ്ഞ നേരമായതുകൊണ്ട് ആർക്കും പരിക്കില്ല. മൂടിക്കെട്ടിയ അന്തരീക്ഷത്തിൽ മേഖലയിലാകെ ഇടക്കിടെ മഴ പെയ്യുന്നത് തുടരുകയാണ്. അൽഖസീമിൽ മഴക്കും കാറ്റിനും സാധ്യതയുണ്ടെന്ന് കാലാവസ്ഥ മുന്നറിയിപ്പുണ്ടായിരുന്നു.
Post Your Comments