കാ​റും ലോ​റി​യും കൂ​ട്ടി​യി​ടി​ച്ച് അപകടം : വി​ദ്യാ​ർത്ഥിക്ക് ദാരുണാന്ത്യം

ചാ​ത്ത​ന്നൂ​ർ: ദേ​ശീ​യ​പാ​ത​യി​ൽ കാ​റും ലോ​റി​യും കൂ​ട്ടി​യി​ടി​ച്ചുണ്ടായ അപകടത്തിൽ കാ​ർ യാത്രക്കാരനായ വി​ദ്യാ​ർ​ത്ഥി മ​രി​ച്ചു. കു​ടും​ബാം​ഗ​ങ്ങ​ളാ​യ മൂ​ന്ന് പേ​ർ​ക്ക് പ​രി​ക്കേൽക്കുകയും ചെയ്തു. ക​രു​നാ​ഗ​പ്പ​ള്ളി​യി​ലെ അ​ഭി​ഭാ​ഷ​ക​നാ​യ ക​രു​നാ​ഗ​പ്പ​ള്ളി ഡ്രീം​സി​ൽ സ​ജീ​വ് കു​മാ​റി​ന്‍റെ​യും ക​രു​നാ​ഗ​പ്പ​ള്ളി മോ​ഡ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ അ​ധ്യാ​പി​ക മി​നി​ജ​യു​ടെ​യും മ​ക​ൻ ഡി​ജി​നാണ് (16) ​മ​രി​ച്ച​ത്. സ​ജീ​വ് കു​മാ​ർ(52), ഭാ​ര്യ മി​നി​ജ, മ​ക​ൾ ദി​യ (18) മ​ക​ൻ എ​ന്നി​വ​ർ​ക്കാ​ണ് പ​രി​ക്കേറ്റത്. ഇ​വ​രെ കൊ​ട്ടി​യ​ത്തെ സ്വ​കാ​ര്യാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സ​ജീ​വ് കു​മാ​റി​ന്‍റെ പ​രി​ക്ക് ഗു​രു​ത​ര​മാ​ണെന്നാണ് ലഭിക്കുന്ന വിവരം.

Read Also : ഉടമ നാസറിന്റെ അറിവോടെയും സമ്മതത്തോടെയുമാണ് നിയമലംഘനങ്ങള്‍ നടത്തിയത്: സ്രാങ്ക് ദിനേശന്‍

രാ​വി​ലെ ഏ​ഴ​ര​യോ​ടെ​യാ​യി​രു​ന്നു അ​പ​ക​ടം സംഭവിച്ചത്. കാർ യാത്രക്കാരായ സ​ജീ​വ് കു​മാ​റും കു​ടും​ബാം​ഗ​ങ്ങ​ളും മ​ധ്യ​വേ​ന​ല​വ​ധി​യാ​യ​തി​നാ​ൽ അ​ബു​ദാ​ബി സ​ന്ദ​ർ​ശി​ക്കാ​ൻ പോ​യി​രു​ന്നു. തുടർന്ന്, ആ​റ് ദി​വ​സ​ത്തെ സ​ന്ദ​ർ​ശ​ന​ത്തി​ന് ശേ​ഷം തി​രു​വ​ന​ന്ത​പു​ര​ത്ത് വി​മാ​ന​മി​റ​ങ്ങി. അ​വി​ടെ​യു​ള്ള ബ​ന്ധു​വി​ന്‍റെ കാ​റി​ൽ ക​രു​നാ​ഗ​പ്പ​ള്ളി​യി​ലേ​യ്ക്ക് പോ​വുമ്പോഴാണ് അപകടം സംഭവിച്ചത്. ചാ​ത്ത​ന്നൂ​ർ എ​ൽ​എം​എ​സ്എ​ൽ​പി സ്കൂ​ളി​ന് സ​മീ​പ​മാ​യി​രു​ന്നു വാ​ഹ​ന​ങ്ങ​ൾ കൂ​ട്ടി​യി​ടി​ച്ച​ത്. കൊ​ല്ലം ഭാ​ഗ​ത്തു നി​ന്നും ആ​റ്റി​ങ്ങ​ൽ ഭാ​ഗ​ത്തേ​യ്ക്ക് പോ​വു​ക​യാ​യി​രു​ന്ന ലോ​റി​യു​മാ​യാ​ണ് കാ​ർ കൂ​ട്ടി​യി​ടി​ച്ച​ത്. കാ​റി​ന്‍റെ മു​ൻ​ഭാ​ഗം ത​ക​ർ​ന്നു. നാ​ട്ടു​കാ​ർ ഉ​ട​ൻ ര​ക്ഷാ​പ്ര​വ​ർ​ത്ത​നം ന​ട​ത്തി പ​രി​ക്കേ​റ്റ​വ​രെ ആം​ബു​ല​ൻ​സി​ൽ ആ​ശു​പ​ത്രി​യി​ലെ​ത്തി​ച്ചു.

ഡി​ജി​ൻ പ​ത്താം ക്ലാ​സ് പ​രീ​ക്ഷ ക​ഴി​ഞ്ഞ് റി​സ​ൽ​ട്ടി​നാ​യി കാ​ത്തി​രി​ക്കു​ക​യാ​യി​രു​ന്നു. ഡി​ജി​ന്‍റെ സം​സ്കാ​രം ഇ​ന്ന് ന​ട​ക്കും.