KeralaLatest NewsNews

ലഹരി ഉപഭോഗം തടയാൻ സ്‌കൂളുകളിൽ മെന്റർമാരെ നിയമിക്കും: മുഖ്യമന്ത്രി

കണ്ണൂർ: ലഹരി ഉപഭോഗം തടയാൻ സ്‌കൂളുകളിൽ മെന്റർമാരെ നിയമിക്കുമെന്ന് മുഖ്യമന്ത്രി പിണറായി വിജയൻ. ലഹരി വിരുദ്ധ പ്രവർത്തനങ്ങൾ ഊർജിതമാക്കുന്നതിന്റെ ഭാഗമായി ഓരോ സ്‌കൂളിലും നിശ്ചിത എണ്ണം കുട്ടികൾക്ക് ഒരു മെന്റർ എന്ന നിലയിൽ അധ്യാപകരെ നിയോഗിക്കണമെന്ന് മുഖ്യമന്ത്രി വ്യക്തമാക്കി. സംസ്ഥാനത്ത് പുതുതായി നിർമ്മിച്ച 97 സ്‌കൂൾ കെട്ടിടങ്ങളുടെ ഉദ്ഘാടനം നിർവ്വഹിച്ച് സംസാരിക്കവെയായിരുന്നു മുഖ്യമന്ത്രിയുടെ പരാമർശം.

Read Also: ഇന്ത്യ ജനാധിപത്യത്തിന്റെ മാതാവ്, ഇന്ത്യന്‍ പ്രധാനമന്ത്രി മോദിക്ക് വന്‍ സ്വീകരണം നല്‍കി സിഡ്‌നിയിലെ ഇന്ത്യന്‍ സമൂഹം

ലഹരി മാഫിയക്കെതിരെ തദ്ദേശ സ്വയംഭരണ സ്ഥാപനങ്ങളും പൊലീസും ജാഗ്രത പാലിക്കണം. സ്‌കൂൾ പരിസരങ്ങളിൽ ലഹരിവസ്തുക്കൾ വിൽപന നടത്തുന്ന കടകൾ പ്രവർത്തിക്കുന്നില്ലെന്ന് തദ്ദേശ ഭരണ സ്ഥാപനങ്ങൾ ഉറപ്പാക്കണം. കുട്ടികളുടെ പെരുമാറ്റത്തിൽ അസാധാരണത്വം കണ്ടാൽ മൂടിവെക്കുന്നതിന് പകരം ശാസ്ത്രീയമായ പരിഹാരം കാണണം. കുട്ടികൾ ലഹരിയിലേക്ക് വഴിതെറ്റാതിരിക്കാനുള്ള കരുതൽ നടപടികൾ സ്വീകരിക്കണം. പൊലീസും എക്സൈസും സഹായിക്കാനുണ്ടാകും. ലഹരിക്കടിമയായ കുട്ടിക്കും രക്ഷിതാക്കൾക്കും കൗൺസിലിംഗ് ഉൾപ്പെടെ ലഭ്യമാക്കണമെന്നും അദ്ദേഹം ആവശ്യപ്പെട്ടു.

Read Also: വിദ്യാർത്ഥിനിക്കു നേരെ ട്രെയിനിൽ ലൈംഗികാതിക്രമം: പ്രതിയെന്നു സംശയിക്കുന്നയാളുടെ ഫോട്ടോ പുറത്തുവിട്ട് പൊലീസ്

shortlink

Related Articles

Post Your Comments

Related Articles


Back to top button