തൃശൂര്: 7.34 ഗ്രാം എംഡിഎംഎയുമായി രണ്ട് യുവാക്കള് പൊലീസ് പിടിയില്. എരുമപ്പെട്ടി സ്വദേശി അമീര് (25), കാണിപ്പയ്യൂര് സ്വദേശി സുബിന് (28) എന്നിവരെയാണ് പൊലീസ് പിടികൂടിയത്. മയക്കുമരുന്ന് കടത്താനുപയോഗിച്ച വാഹനം ഉള്പ്പെടെയാണ് പോലീസ് പിടികൂടിയത്.
ചാലിശ്ശേരി പൊലീസിന്റെ നേതൃത്വത്തില് നടത്തിയ പരിശോധനയില് കറുകപുത്തൂരിൽ നിന്നാണ് ഇവര് പിടിയിലായത്. തൃശൂര് ജില്ലയില് നിന്ന് കാപ്പ ചുമത്തി നാടുകടത്തിയവരാണ് പിടിയിലായ യുവാക്കള്. ഇവരുടെ വാഹനത്തില് നിന്ന് ചെറിയ പാക്കറ്റുകളിലാക്കി സൂക്ഷിച്ച ഏഴര ഗ്രാം മെത്താഫെറ്റമിന് കണ്ടെടുത്തു.
Read Also : കെ-ഫോൺ: നിരക്കുകൾ പ്രഖ്യാപിച്ചു, പാവപ്പെട്ടവർക്കും മുൻഗണന വിഭാഗങ്ങൾക്കും സേവനം സൗജന്യം
ചാലിശേരി സ്റ്റേഷന് ഹൗസ് ഓഫീസര് കെ. സതീഷ് എസ്.ഐമാരായ കെ. താഹിര്, ജോളി സെബാസ്റ്റ്യന്, എ എസ് ഐ. ശ്രീനിവാസന്, സീനിയര് സിവില് പൊലീസ് ഓഫീസര്മാരായ അബ്ദുള് റഷീദ്, എന്. സുരേഷ് എന്നിവരടങ്ങുന്ന സംഘമാണ് പ്രതികളെ പിടികൂടിയത്. പ്രതികളെ കോടതിയില് ഹാജരാക്കിയ ശേഷം റിമാൻഡ് ചെയ്തു.
Post Your Comments