ജനീവ: അന്താരാഷ്ട്ര യോഗ ദിനത്തോടനുബന്ധിച്ച് ജൂണ്‍ 21-ന് ഐക്യരാഷ്ട്ര സഭയുടെ സെക്രട്ടേറിയറ്റില്‍ പ്രധാനമന്ത്രി നരേന്ദ്ര മോദി യോഗ സെഷന്‍ നയിക്കും. ഇന്ത്യയിലെ യുഎന്‍ റെസിഡന്റ് കോര്‍ഡിനേറ്റര്‍ ഷോംബി ഷാര്‍പ്പാണ് ഇക്കാര്യം വെളിപ്പെടുത്തിയത്. ഐക്യരാഷ്ട്രസഭയുടെ (യുഎന്‍) സമാധാന പരിപാലനത്തിന്റെ 75-ാം വാര്‍ഷികത്തോടനുബന്ധിച്ച് നടന്ന സെമിനാറില്‍ പങ്കെടുക്കാനെത്തിയപ്പോഴായിരുന്നു പിടിഐ-യോട് അന്താരാഷ്ട്ര യോഗാ ദിനത്തെപ്പറ്റി ഷോംബി ഷാര്‍പ്പ് പ്രതികരിച്ചത്.
‘ലോകം യഥാര്‍ത്ഥത്തില്‍ അന്താരാഷ്ട്ര യോഗാ ദിനം സ്വീകരിച്ചു കഴിഞ്ഞു. ഇത് വളരെ വലിയ കാര്യമാണ്. അന്താരാഷ്ട്ര യോഗാ ദിനം പ്രാബല്യത്തില്‍ വന്നതോടെ ലോകത്തുള്ള എല്ലാവര്‍ക്കും യോഗയുടെ പ്രാധാന്യം മനസ്സിലാക്കാന്‍ സാധിച്ചു. പ്രധാനമന്ത്രി നരേന്ദ്രമോദി ജൂണ്‍ 21-ന് ഐക്യരാഷ്ട്രസഭയുടെ സെക്രട്ടേറിയറ്റില്‍ ഒരു യോഗ സെഷന്‍ നയിക്കും”, അദ്ദേഹം പറഞ്ഞു.
Post Your Comments