കോ​ട​തി ജീ​വ​ന​ക്കാ​രി​യു​ടെ സ്കൂ​ട്ട​ർ മോഷ്ടിച്ചു: പ്രതി പിടിയിൽ

ഇ​രി​ങ്ങാ​ല​ക്കു​ട: ഇ​രി​ങ്ങാ​ല​ക്കു​ട പോ​ക്സോ കോ​ട​തി​യി​ലെ ജീ​വ​ന​ക്കാ​രി​യു​ടെ സ്കൂ​ട്ട​ർ ത​ന്ത്ര​പൂ​ർ​വം ക​വ​ർ​ന്ന് ക​ട​ന്നു​ക​ള​ഞ്ഞ പ്ര​തി അറസ്റ്റിൽ. ആ​മ്പ​ലൂ​ർ വെ​ണ്ടോ​ർ മേ​ലേ​പു​ത്ത​ൻ​വീ​ട്ടി​ൽ അ​ഞ്ച​ലീ​നെ​യാ​ണ് (25) അറസ്റ്റ് ചെയ്തത്. ഡി​വൈ.​എ​സ്.​പി ടി. ​കെ. ഷൈ​ജു​വി​ന്റെ നി​ർ​ദേ​ശ​പ്ര​കാ​രം സി.​ഐ അ​നീ​ഷ് ക​രീ​മി​ന്റെ നേ​തൃ​ത്വ​ത്തി​ലു​ള്ള സം​ഘം ആണ് പ്രതിയെ അ​റ​സ്റ്റ് ചെ​യ്ത​ത്.

Read Also : മൈസൂരു-ബംഗളൂരു അതിവേഗപാതയില്‍ ഇത്തരം വാഹനങ്ങള്‍ക്ക് നിയന്ത്രണം, വിശദാംശങ്ങള്‍ അറിയാം

പു​തു​ക്കാ​ട് സ്റ്റേ​ഷ​നി​ലെ പോ​ക്സോ കേ​സു​മാ​യി ബ​ന്ധ​പ്പെ​ട്ട് കോ​ട​തി​യി​ൽ എ​ത്തി​യ പ്ര​തി ജീ​വ​ന​ക്കാ​രി​യു​ടെ സ്കൂ​ട്ട​റി​ന്റെ താ​ക്കോ​ൽ ക​വ​ർ​ന്ന് വ​ണ്ടി​യു​മാ​യി ക​ട​ന്നു​ക​ള​യു​ക​യാ​യി​രു​ന്നു. സി.​സി ടി.​വി കാ​മ​റ​ക​ളു​ടെ​യും എ.​ഐ കാ​മ​റ​ക​ളു​ടെ​യും സ​ഹാ​യ​ത്തോ​ടെ​ ന​ട​ത്തി​യ വി​ശ​ദ​മാ​യ അ​ന്വേ​ഷ​ണ​ത്തി​ൽ പ്ര​തി കു​റ്റി​പ്പു​റ​ത്ത് ഉ​ണ്ടെ​ന്ന് മ​ന​സ്സി​ലാ​ക്കി​യ പൊ​ലീ​സ് സം​ഘം അ​തി​സാ​ഹ​സി​ക​മാ​യിട്ടാണ് പ്ര​തി​യെ പി​ടി​കൂ​ടിയത്.

മോ​ഷ്ടി​ച്ച വ​ണ്ടി​യും പൊ​ലീ​സ് പി​ടി​ച്ചെ​ടു​ത്തിട്ടുണ്ട്. വി​വി​ധ സ്റ്റേ​ഷ​നു​ക​ളി​ലാ​യി 13 കേ​സു​ക​ളി​ൽ ഇ​യാ​ൾ പ്ര​തി​യാ​ണെ​ന്ന് പൊ​ലീ​സ് പ​റ​ഞ്ഞു. എ​സ്.​ഐ​മാ​രാ​യ എം.​എ​സ്. ഷാ​ജ​ൻ, സി.​എം. ക്ലീ​റ്റ​സ്, ഉ​ദ്യോ​ഗ​സ്ഥ​രാ​യ കെ.​ആ​ർ. സു​ധാ​ക​ര​ൻ, പ്ര​സ​ന്ന​കു​മാ​ർ, സ​ജു, രാ​ജ​ശേ​ഖ​ര​ൻ, ഷാ​ബു എ​ന്നി​വ​രും അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജരാ​​ക്കി​യ പ്ര​തി​യെ റി​മാ​ൻ​ഡ് ചെ​യ്തു.