ആരാധകരെ ഞെട്ടിക്കാൻ പുതിയൊരു ഹാൻഡ്സെറ്റുമായി നോക്കിയ വീണ്ടും എത്തുന്നു, ഈ മാസം വിപണിയിൽ അവതരിപ്പിക്കാൻ സാധ്യത

ആരാധകരെ ഞെട്ടിക്കാൻ പുതിയൊരു ഹാൻഡ്സെറ്റുമായി വിപണിയിൽ എത്തുകയാണ് നോക്കിയ. നോക്കിയ ഹാൻഡ്സെറ്റുകൾ ഇഷ്ടപ്പെടുന്നവർ ഒന്നടങ്കം ആകാംക്ഷയോടെ കാത്തിരിക്കുന്ന നോക്കിയ മാജിക് മാക്സ് ആണ് ഇത്തവണ വിപണിയിൽ അവതരിപ്പിക്കുന്നത്. ഈ മാസം 24-ന് നോക്കിയ മാജിക് മാക്സ് വിപണിയിൽ പുറത്തിറക്കാൻ സാധ്യതയുണ്ട്. കിടിലൻ ഫീച്ചറുകൾ ഉൾക്കൊള്ളിച്ചിട്ടുള്ള മിഡ് റേഞ്ച് സ്മാർട്ട്ഫോണാണ് നോക്കിയ മാജിക് മാക്സ്. ഈ ഹാൻഡ്സെറ്റിനെ കുറിച്ച് കൂടുതൽ പരിചയപ്പെടാം.

6.7 ഇഞ്ച് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. ഡിസ്പ്ലേയ്ക്ക് കോർണിംഗ് ഗൊറില്ല ഗ്ലാസ് പ്രൊട്ടക്ഷൻ ഒരുക്കിയിട്ടുണ്ട്. 1080×2400 പിക്സൽ റെസല്യൂഷനും, 120 ഹെർട്സ് റിഫ്രഷ് റേറ്റും ലഭ്യമാണ്. ക്വാൽകം സ്നാപ്ഡ്രാഗൺ 8 പ്ലസ് ജെൻ 1 ചിപ്സെറ്റാണ് ഈ സ്മാർട്ട്ഫോണുകൾക്ക് കരുത്ത് പകരുന്നത്. ആൻഡ്രോയിഡ് 13 ആണ് ഓപ്പറേറ്റിംഗ് സിസ്റ്റം.

Also Read: വിട്ടുമാറാത്ത ജലദോഷത്തിന് കാരണം മൂക്കിന്റെ തകരാറോ?

108 മെഗാപിക്സൽ പ്രൈമറി ക്യാമറയും, 13 മെഗാപിക്സൽ സെക്കൻഡറി ക്യാമറയുമുള്ള ഡ്യുവൽ ക്യാമറ സജ്ജീകരണമാണ് പിന്നിൽ ഒരുക്കിയിട്ടുള്ളത്. 32 മെഗാപിക്സലാണ് സെൽഫി ക്യാമറ. 67 W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററി ലൈഫാണ് പ്രധാന ആകർഷണീയത. 16 ജിബി റാം പ്ലസ് 256 ജിബി ഇന്റേണൽ സ്റ്റോറേജിൽ പുറത്തിറക്കുന്ന നോക്കിയ മാജിക് മാക്സിന് 49,990 രൂപ വില പ്രതീക്ഷിക്കാവുന്നതാണ്.