വീ​ട് വാ​ട​ക​യ്ക്കെ​ടു​ത്ത് വ്യാ​ജമ​ദ്യ നി​ർ​മാ​ണം: ഒ​രാ​ൾ പിടിയിൽ

ഹ​രി​പ്പാ​ട്: ചേ​പ്പാ​ട് വീ​ട് വാ​ട​ക​യ്ക്ക് എ​ടു​ത്ത് വ്യാ​ജമ​ദ്യ നി​ർ​മാ​ണം നടത്തിയ ഒ​രാ​ൾ അ​റ​സ്റ്റി​ൽ.​ കു​മാ​ര​പു​രം എ​രി​ക്കാ​വ് പോ​ച്ച​ത​റ​യി​ൽ സു​ധീ​ന്ദ്ര​ലാ​ൽ(47) ​ആ​ണ് അ​റ​സ്റ്റി​ലാ​യ​ത്.

സു​ധീ​ന്ദ്ര​ൻ ചേ​പ്പാ​ട് റെ​യി​ൽ​വേ സ്റ്റേ​ഷ​നു സ​മീ​പം ഒ​രു വ​ർ​ഷ​മാ​യി വീ​ട് വാ​ട​ക​യ്ക്ക് എ​ടു​ത്ത് വി​പു​ല​മാ​യ രീ​തി​യി​ൽ മ​ദ്യനി​ർ​മാ​ണം ന​ട​ത്തി​വ​രി​ക​യാ​യി​രു​ന്നു. വ​ലി​യ​തോ​തി​ൽ മ​ദ്യം നി​ർ​മി​ച്ച് ചെ​റു​കി​ട ക​ച്ച​വ​ട​ക്കാ​ർ​ക്ക് വി​ൽ​പ്പ​ന​യ്ക്കാ​യി ന​ൽ​കു​ക​യാ​യി​രു​ന്നു ഇയാളുടെ പതിവ്.

Read Also : ബൈജൂസ്: കഴിഞ്ഞ സാമ്പത്തിക വർഷത്തെ പ്രവർത്തനഫലങ്ങൾ ഒക്ടോബർ രണ്ടാം വാരം പുറത്തുവിടും

വീ​ടി​ന്‍റെ മു​ക​ൾ നി​ല​യി​ൽ വി​ല്പ​ന​യ്ക്കാ​യി സൂ​ക്ഷി​ച്ചി​രു​ന്ന 500 മി​ല്ലി ലി​റ്റ​റി​ന്‍റെ 785 കു​പ്പി വ്യാ​ജ മ​ദ്യ​വും മ​ദ്യം നി​റ​യ്ക്കാ​ൻ ഉ​പ​യോ​ഗി​ക്കു​ന്ന 5000 കു​പ്പി​ക​ൾ, ഒ​രു ചാ​ക്ക് അ​ട​പ്പ്, പാ​ക്കിം​ഗ് മെ​ഷീ​ൻ, ഫോ​ളോ​ഗ്രാം സ്റ്റി​ക്ക​റു​ക​ൾ, മോ​ട്ടോ​ർ, ടാ​ങ്ക്, മ​ദ്യ​ത്തി​ന് നി​റം ന​ൽ​കു​ന്ന ക​രാ​മ​ൽ എ​ന്നി​വ​യും പി​ടി​കൂ​ടി.

എ​ക്സൈ​സി​ന് ല​ഭി​ച്ച ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്. ആ​ല​പ്പു​ഴ എ​ക്സൈ​സ് ആ​ന്‍റി നാ​ർ​കോ​ട്ടി​ക് സ്പെ​ഷൽ സ്കോ​ഡ് സിഐ മ​ഹേ​ഷ്. എം, ​പ്രി​വന്‍റീവ് ഓ​ഫീ​സ​ർ​മാ​രാ​യ ഗോ​പ​കു​മാ​ർ, സ​ജി​മോ​ൻ സി​വി​ൽ ഓ​ഫീ​സ​ർ​മാ​രാ​യ റെ​നി, ദി​ലീ​ഷ്, സ​ന്തോ​ഷ്, ശ്രീ​ജി​ത്ത്, ര​ശ്മി എ​ന്നി​വ​ര​ട​ങ്ങു​ന്ന സം​ഘ​മാ​ണ് പി​ടി​കൂ​ടി​യ​ത്. അറസ്റ്റിലായ പ്രതിയെ കോടതിയിൽ ഹാജരാക്കി.