ചെങ്ങളം: ചെങ്ങളം സെന്റ് ജോസഫ് കത്തോലിക്കാ പള്ളിയില് പട്ടാപ്പകല് മോഷണത്തിന് ശ്രമിച്ചയാള് സിസിടിവിയില് കുടുങ്ങി പൊലീസ് പിടിയിൽ. കുറുപ്പന്തറ സ്വദേശി ജോര്ജ് വര്ഗീസ്(58) ആണ് പിടിയിലായത്.
ഇന്നലെ ഉച്ചകഴിഞ്ഞ് മൂന്നോടെയാണ് സംഭവം. പള്ളിക്കുള്ളില് കയറിയ ഇയാള് നേര്ച്ചപ്പെട്ടി തുറക്കാന് ശ്രമിച്ചെങ്കിലും സാധിക്കാതെ വന്നതോടെ വെളിയിലിറങ്ങി കമ്പിപ്പാരയുമായി തിരികെയെത്തി നേര്ച്ചപ്പെട്ടി കുത്തിത്തുറന്ന് മോഷണത്തിനു ശ്രമിച്ചു. ഇയാളെ സിസിടിവിയില് തത്സമയം വീക്ഷിച്ചുകൊണ്ടിരുന്ന വൈദികന് പള്ളിക്ക് സമീപം താമസിക്കുന്ന കപ്യാരെ വിളിച്ച് പള്ളിയുടെ വാതിലുകള് വെളിയില്നിന്നു പൂട്ടുവാന് നിര്ദേശിച്ചു. തുടര്ന്ന്, കുമരകം പൊലീസ്സ്റ്റേഷനില് വിവരമറിയിച്ചു. കുമരകം പോലീസ് സ്ഥലത്തെത്തി ഇയാളെ പിടികൂടുകയായിരുന്നു.
പ്രതിയെ ഇന്ന് കോടതിയില് ഹാജരാക്കും.
Post Your Comments