വ​യോ​ധി​ക​യു​ടെ വീ​ട്ടി​ലെ​ത്തി ദോ​ഷ​ങ്ങ​ൾ അ​ക​റ്റാ​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് ആഭരണങ്ങൾ തട്ടി: പ്രതി പിടിയിൽ

മാ​ള: പു​ത്ത​ൻ​ചി​റ മ​ങ്കി​ടി​യി​ൽ ഒ​റ്റ​ക്ക് താ​മ​സി​ക്കു​ന്ന വ​യോ​ധി​ക​യു​ടെ വീ​ട്ടി​ലെ​ത്തി ദോ​ഷ​ങ്ങ​ൾ അ​ക​റ്റാ​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് എ​ഴ് പ​വ​ന്റെ ആ​ഭ​ര​ണ​ങ്ങ​ൾ ക​വ​ർ​ന്ന കേ​സി​ൽ പ്ര​തി അറസ്റ്റി​ൽ. കൊ​ട​ക​ര മ​ര​ത്തം​പ​ള്ളി​പ്പാ​ട​ത്ത് ക​ക്കാ​ട്ടി​ൽ വീ​ട്ടി​ൽ ഉ​ണ്ണി​യെ(57) ആ​ണ് അറസ്റ്റ് ചെയ്തത്.

കൈ​നോ​ട്ട​ക്കാ​ര​ൻ എ​ന്ന രീ​തി​യി​ലാ​ണ് ഇ​യാ​ൾ മ​ങ്കി​ടി ചി​റ​വ​ട്ടാ​യി ഓ​മ​ന​യു​ടെ വീ​ട്ടി​ലെ​ത്തി​യ​ത്. ദോ​ഷ​ങ്ങ​ളു​ണ്ടെ​ന്ന് പ​റ​ഞ്ഞ് ത​ന്ത്ര​ത്തി​ൽ വ​യോ​ധി​ക​യു​ടെ വി​ഷ​മ​ങ്ങ​ൾ ചോ​ദി​ച്ച​റി​ഞ്ഞു. പൂ​ജ ചെ​യ്ത് ദോ​ഷം മാ​റ്റാ​മെ​ന്നും അ​തി​ന് ദേ​ഹ​ത്ത് ആ​ഭ​ര​ണ​ങ്ങ​ൾ പാ​ടി​ല്ലെ​ന്നും പ​റ​ഞ്ഞ് സ്വ​ർ​ണ​മാ​ല​യും വ​ള​ക​ളും മോ​തി​ര​ങ്ങ​ളും ഊ​രി​വെ​പ്പി​ച്ചു. ആ​ഭ​ര​ണ​ങ്ങ​ൾ ചോ​റ്റാ​നി​ക്ക​ര​യി​ൽ പൂ​ജി​ക്ക​ണ​മെ​ന്ന് പ​റ​ഞ്ഞ് പൊ​തി​ഞ്ഞെ​ടു​ത്ത് വൈ​കീ​ട്ട് തി​രി​ച്ചെ​ത്താ​മെ​ന്ന് വി​ശ്വ​സി​പ്പി​ച്ച് ക​ട​ന്നു​ക​ള​യു​ക​യാ​യി​രു​ന്നു. പ്ര​തി​യു​ടേ​തെ​ന്ന് സം​ശ​യി​ക്കു​ന്ന ചി​ത്ര​ങ്ങ​ൾ ശേ​ഖ​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​യാ​ൾ വ​ല​യി​ലാ​യ​ത്.

Read Also : മരണപ്പെട്ട അമ്മയുടെ ഫോട്ടോ ദൈവത്തിനൊപ്പം വയ്ക്കരുതെന്ന് പലരും പറയും: നടി ശരണ്യ

ഇ​യാ​ളെ ക​ണ്ടു പ​രി​ച​യ​മു​ള്ള പൊ​ലീ​സ് ഉ​ദ്യോ​ഗ​സ്ഥ​ർ ന​ൽ​കി​യ സൂ​ച​ന കാ​ര്യ​ങ്ങ​ൾ എ​ളു​പ്പ​മാ​ക്കി. കൈ​നോ​ട്ട​ക്കാ​ര​ന്റെ മു​ന്നി​ൽ കൈ ​നോ​ക്കാ​നെ​ന്ന വ്യാ​ജേ​ന​യെ​ത്തി​യാ​ണ് പൊ​ലീ​സ് പ്ര​തി​യെ കു​ടു​ക്കി​യ​ത്. ആ​ന്ധ്ര​പ്ര​ദേ​ശി​ലെ ഗു​ണ്ടൂ​രി​ൽ നി​ന്ന് വ​ർ​ഷ​ങ്ങ​ൾ​ക്കു മു​മ്പ് കേ​ര​ള​ത്തി​ലെ​ത്തി കൈ ​നോ​ട്ട​വും പ​ക്ഷി ശാ​സ്ത്ര​വു​മാ​യി കൊ​ട​ക​ര​യി​ൽ താ​മ​സ​മാ​ക്കി​യ​താ​ണ് ഇ​യാ​ളു​ടെ കു​ടും​ബം. ത​ട്ടി​യെ​ടു​ത്ത ആ​ഭ​ര​ണ​ങ്ങ​ൾ ഇ​യാ​ളു​ടെ വീ​ട്ടി​ൽ​നി​ന്ന് ക​ണ്ടെ​ത്തി. ഇ​വ അ​ല​മാ​ര​യി​ൽ സൂ​ക്ഷി​ച്ചി​രി​ക്കു​ക​യാ​യി​രു​ന്നു.

തൃ​ശൂ​ർ റൂ​റ​ൽ എ​സ്.​പി ന​വ​നീ​ത് ശ​ർ​മ​യു​ടെ നി​ർ​ദേ​ശ​പ്ര​കാ​രം ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ടി.​കെ. ഷൈ​ജു​വി​ന്റെ നേ​തൃ​ത്വ​ത്തി​ൽ ആണ് അ​റ​സ്റ്റ് ചെ​യ്ത​ത്. അറസ്റ്റിലായ പ്രതിയെ കോടതിയിൽ ഹാജരാക്കി.