ലക്നൗ: ഉത്തർപ്രദേശിലെ ബദൗണിൽ വീട്ടിൽ കയറി രണ്ട് കുട്ടികളെ കൊലപ്പെടുത്തിയ സംഭവത്തിലെ രണ്ടാം പ്രതിയെ പോലീസ് അറസ്റ്റ് ചെയ്തു. രണ്ടാം പ്രതി മുഹമ്മദ് ജാവേദ് ബറേലിയിൽ നിന്നാണ് അറസ്റ്റിലായത്. വിവരമനുസരിച്ച് ജാവേദ് ഡൽഹിയിലേക്ക് രക്ഷപ്പെടാനുള്ള ശ്രമത്തിലായിരുന്നു. ഇതിനിടെയിലാണ് പോലീസ് ബറേലിയിൽ വെച്ച് അറസ്റ്റ് ചെയ്തത്. സ്വയം കീഴടങ്ങാനാണ് ബറേലിയിൽ എത്തിയതെന്ന് ജാവേദ് പറയുന്ന വീഡിയോയും പുറത്തുവന്നിട്ടുണ്ട്. ഡൽഹിയിൽ നിന്ന് മടങ്ങുമ്പോൾ ബറേലിയിൽ കീഴടങ്ങാൻ ഉദ്ദേശിച്ചിരുന്നതായി ജാവേദ് വെളിപ്പെടുത്തി. എന്നാൽ, രാത്രി വൈകി സാറ്റലൈറ്റ് ബസ് സ്റ്റാൻഡിൽ വെച്ച് നാട്ടുകാർ ഇയാളെ പിടികൂടി പോലീസിൽ ഏൽപ്പിക്കുകയായിരുന്നു. തുടർന്ന്, ബറേലി പോലീസ് ജാവേദിനെ തുടർ നടപടികൾക്കായി ബദൗൺ പോലീസിൻ്റെ കസ്റ്റഡിയിലേക്ക് മാറ്റി.
രണ്ട് കുട്ടികളുടെ കൊലപാതകത്തിന് ശേഷം ജാവേദ് ഒളിവിലായിരുന്നു. പോലീസിൻ്റെ തിരച്ചിൽ ശ്രമങ്ങൾക്കിടയിലും, ഇയാളെ പിടികിട്ടിയിരുന്നില്ല. ഇയാളെ പിടികൂടാൻ സഹായിക്കുന്ന വിവരങ്ങൾ നൽകുന്നവർക്ക് 25,000 രൂപ പാരിതോഷികം നൽകുമെന്ന് സർക്കാർ പ്രഖ്യാപിച്ചു. കുറ്റകൃത്യത്തിന് ശേഷം ജാവേദ് മൊബൈൽ ഫോൺ ഓഫാക്കി ഡൽഹിയിലേക്ക് രക്ഷപ്പെടുകയായിരുന്നുവെന്നാണ് റിപ്പോർട്ടുകൾ സൂചിപ്പിക്കുന്നത്.
ബദൗൺ ഇരട്ടക്കൊലപാതകത്തിൽ ഉൾപ്പെട്ട പ്രധാന പ്രതി സാജിദിനെ ചൊവ്വാഴ്ച (മാർച്ച് 19) രാത്രി ഏറ്റുമുട്ടലിൽ പോലീസ് കൊലപ്പെടുത്തിയിരുന്നു. പ്രദേശത്ത് അടുത്തിടെ ഒരു ബാർബർ ഷോപ്പ് തുറന്ന സാജിദ്, മൂന്ന് സഹോദരന്മാരായ ആയുഷ്, 12, ഹണി എന്ന അഹാൻ (8), യുവരാജ് (10) എന്നിവരെ കത്തികൊണ്ട് ആക്രമിക്കുകയായിരുന്നു. ആക്രമണത്തിൽ ആയുഷും അഹാനും മരിച്ചു, ഗുരുതരമായി പരിക്കേറ്റ യുവരാജിനെ ആശുപത്രിയിൽ എത്തിച്ചു.
സംഭവത്തിന് ശേഷം സാജിദിൻ്റെ കടയ്ക്ക് തീയിട്ടു. സമീപത്തെ മറ്റു ചില കടകളും ഒരു മോട്ടോർ സൈക്കിളും നാട്ടുകാരും കൊല്ലപ്പെട്ട കുട്ടികളുടെ കുടുംബാംഗങ്ങളും ചേർന്ന് തകർത്തു. പിന്നീട് ബുധനാഴ്ച പ്രതിയുടെ അച്ഛനെയും അമ്മാവനെയും പോലീസ് കസ്റ്റഡിയിലെടുത്തു. സംഭവത്തിന് പിന്നിലെ ഉദ്ദേശ്യം പോലീസും സ്ഥിരീകരിച്ചിട്ടില്ല.
बदायूं हत्याकांड का दूसरा आरोपी जावेद गिरफ्तार, देखिए क्या बोला ?
#Budaun #Murder #Sajid #Javed #Encounter #UPPolice pic.twitter.com/s4G3j1g7Ix
— India TV (@indiatvnews) March 21, 2024
Post Your Comments