നാല് പതിറ്റാണ്ടിലേറെ വ്യോമസേനയിൽ സേവനമനുഷ്ഠിച്ചു, ബെസ്റ്റ് ടൈം ബി.ജെ.പിയുടെ കീഴിലുള്ള കഴിഞ്ഞ 8 വർഷമായിരുന്നു: ബദൗരിയ

മുന്‍ വ്യോമസേനാ മേധാവി ആര്‍കെഎസ് ഭദൗരിയയുടെ പാർട്ടിയിലേക്കുള്ള എൻട്രി ആഘോഷമാക്കി ബി.ജെ.പി. ദില്ലിയിലെ ബിജെപി ആസ്ഥാനത്ത് വെച്ച് പാര്‍ട്ടി അംഗത്വം നൽകി കേന്ദ്ര മന്ത്രി അനുരാഗ് ഠാക്കൂര്‍, ബിജെപി ജനറല്‍ സെക്രട്ടറി വിനോദ് ദാവഡെ എന്നിവര്‍ ചേര്‍ന്ന് ഭദൗരിയയെ സ്വീകരിക്കുകയായിരുന്നു. 2019 മുതല്‍ 2021വരെ ഇന്ത്യയുടെ വ്യോമസേനാ മേധാവിയായി പ്രവര്‍ത്തിച്ചിട്ടുണ്ട്. ഇപ്പോഴിതാ, ബി.ജെ.പിയിൽ ചേർന്നതിനെ കുറിച്ച് സംസാരിക്കുകയാണ് അദ്ദേഹം.

താൻ നാല് പതിറ്റാണ്ടിലേറെ ഐഎഎഫിൽ സേവനമനുഷ്ഠിച്ചിട്ടുണ്ടെങ്കിലും, തൻ്റെ സേവനത്തിൻ്റെ ഏറ്റവും മികച്ച സമയം ബി.ജെ.പി ഭരിച്ച കഴിഞ്ഞ എട്ട് വർഷമായിരുന്നുവെന്ന് പാർട്ടിയിൽ ചേർന്ന ശേഷം, മുൻ വ്യോമസേനാ മേധാവി, എയർ ചീഫ് മാർഷൽ ആർകെഎസ് ബദൗരിയ (റിട്ട.) പറഞ്ഞു. നമ്മുടെ സായുധ സേനയെ ശാക്തീകരിക്കുന്നതിനും നവീകരിക്കുന്നതിനും അവരെ സ്വയം പര്യാപ്തരാക്കുന്നതിനുമായി ഈ സർക്കാർ സ്വീകരിച്ച കടുത്ത നടപടികൾ സേനയിൽ ഒരു പുതിയ കഴിവ് മാത്രമല്ല, അവർക്ക് പുതിയ ആത്മവിശ്വാസവും നൽകിയിട്ടുണ്ടെന്ന് അദ്ദേഹം വ്യക്തമാക്കി. സുരക്ഷയുടെ കാര്യത്തിൽ സർക്കാർ സ്വീകരിക്കുന്ന നടപടികൾ വളരെ പ്രധാനമാണ്, അത് ഇന്ത്യയെ ആഗോളതലത്തിൽ പുതിയ ഉയരങ്ങളിലെത്തിക്കുമെന്നും അദ്ദേഹം കൂട്ടിച്ചേർത്തു.

‘ഒരിക്കൽ കൂടി രാഷ്ട്രനിർമ്മാണത്തിൽ സംഭാവന നൽകാൻ ഈ അവസരം നൽകിയതിന് പാർട്ടി നേതൃത്വത്തിന് ഞാൻ നന്ദി പറയുന്നു. നാല് പതിറ്റാണ്ടിലേറെയായി ഞാൻ വ്യോമസേനയിൽ സേവനമനുഷ്ഠിച്ചു. എന്നാൽ എൻ്റെ സേവനത്തിലെ ഏറ്റവും മികച്ച സമയം ബിജെപി സർക്കാരിൻ്റെ നേതൃത്വത്തിൽ കഴിഞ്ഞ 8 വർഷമായിരുന്നു. നമ്മുടെ സായുധ സേനയെ ശാക്തീകരിക്കുന്നതിനും നവീകരിക്കുന്നതിനും അവരെ സ്വയം പര്യാപ്തരാക്കുന്നതിനുമായി ഈ ഗവൺമെൻ്റ് സ്വീകരിച്ച കടുത്ത നടപടികൾ സേനയിൽ ഒരു പുതിയ കഴിവ് വളർത്തിയെടുക്കുക മാത്രമല്ല അവർക്ക് ഒരു പുതിയ ആത്മവിശ്വാസം നൽകുകയും ചെയ്തു. സർക്കാരിൻ്റെ സ്വാശ്രയ നീക്കത്തിൻ്റെ ഫലം ഭൂമിയിൽ കാണാം. സുരക്ഷയുടെ കാര്യത്തിൽ സർക്കാർ സ്വീകരിക്കുന്ന നടപടികൾ വളരെ പ്രധാനമാണ്, അത് ഇന്ത്യയെ ആഗോളതലത്തിൽ പുതിയ ഉയരങ്ങളിലെത്തിക്കും’, അദ്ദേഹം പറഞ്ഞു.

ഫ്രാന്‍സുമായുള്ള റാഫേല്‍ യുദ്ധവിമാന കരാറിലെ പ്രധാനിയാണ് ബദൗരിയ. ലോക്സഭാ തിരഞ്ഞെടുപ്പിൽ നിന്ന് യുപിയിൽ നിന്ന് ബദൗരിയ മത്സരിച്ചേക്കും. റാഫേല്‍ യുദ്ധ വിമാന കരാർ അന്തിമമാക്കുന്നതിൽ നിർണായക പങ്കുവഹിച്ചിട്ടുണ്ട് ബദൗരിയ. റാഫേല്‍ യുദ്ധവിമാനം പറത്തിയ ആദ്യ വ്യോമസേന ഉദ്യോഗസ്ഥരില്‍ ഒരാളുമാണ് ബദൗരിയ. 2019 സെപ്തംബർ മുതല്‍ 2021 സെപ്തംബർ വരെയാണ് ബദൗരിയ വ്യോമസേന മേധാവിയായി സേവനമനുഷ്ടിച്ചത്. കരസേന മേധാവിയായി ചുമതലയേല്‍ക്കുന്നതിന് മുന്‍പ് എയർ സ്റ്റാഫ് വൈസ് ചീഫായും പ്രവർത്തിച്ചു.

2017 മാർച്ച് മുതല്‍ 2018 ഓഗസ്റ്റ് വരെ സതേണ്‍ എയർ കമാന്‍ഡില്‍ എയർ ഓഫിസർ കമാന്‍ഡിങ് ഇന്‍ ചീഫായി പ്രവർത്തിച്ചിരുന്നു. 36 വർഷം നീണ്ട കരിയറില്‍ അതി വിശിഷ്ട് സേവ മെഡല്‍, വായു സേന മെഡല്‍, പരം വിശിഷ്ട് സേവ മേഡല്‍ തുടങ്ങി നിരവധി അംഗീകാരങ്ങളും ലഭിച്ചിട്ടുണ്ട്.