നിങ്ങൾക്ക് ഒരു കിടിലൻ 200 മെഗാപിക്സൽ സ്മാർട്ട് ഫോൺ വേണമോ ? സാംസങിൻ്റെ ഈ ഫോൺ ഉടൻ വിപണിയിൽ ഇറങ്ങും

മുംബൈ : സാംസങ്ങിന്റെ പട്ടികയിൽ നിരവധി മുൻനിര സ്മാർട്ട്‌ഫോണുകളുണ്ട്. 200 മെഗാപിക്സൽ ക്യാമറ സെൻസറുള്ളതും വില കുറഞ്ഞതുമായ ഒരു സ്മാർട്ട്‌ഫോൺ ആഗ്രഹിക്കുന്നുവെങ്കിൽ നിങ്ങൾക്ക് ഒരു സന്തോഷവാർത്തയുണ്ട്. സാംസങ് ആരാധകർക്കായി 200 മെഗാപിക്സൽ ഗാലക്സി എസ് 25 എഡ്ജ് 5G അവതരിപ്പിക്കാൻ പോകുന്നു.

ഈ പ്രീമിയം സ്മാർട്ട്‌ഫോൺ ഉടൻ വിപണിയിൽ ലഭ്യമാകും. ഈ വർഷം ജനുവരിയിൽ നടന്ന ഗാലക്‌സി അൺപാക്ക്ഡ് ഇവന്റിൽ ആണ് സാംസങ് ഗാലക്‌സി എസ് 25 എഡ്ജ് അവതരിപ്പിച്ചത്. ഈ സ്മാർട്ട്‌ഫോണിന്റെ ലോഞ്ച് തീയതി സാംസങ് വെളിപ്പെടുത്തി. മെയ് 13 ന് സാംസങ് ഒരു വെർച്വൽ ഗാലക്‌സി അൺപാക്ക്ഡ് ഇവന്റ് സംഘടിപ്പിക്കും. ഇതിൽ ഈ ഫോണിൻ്റെ വിത്പന ആരംഭിക്കും.

സാംസങ്ങിന്റെ ഇതുവരെയുള്ളതിൽ വച്ച് ഏറ്റവും സ്ലിം സ്മാർട്ട്‌ഫോണായിരിക്കും സാംസങ് ഗാലക്‌സി എസ് 25 എഡ്ജ്. വളരെ ആകർഷകമായ രൂപകൽപ്പനയോടെയാണ് കമ്പനി ഈ ഫോൺ വിപണിയിൽ അവതരിപ്പിക്കാൻ പോകുന്നത്. 200 മെഗാപിക്സൽ ക്യാമറയുള്ള സ്മാർട്ട്‌ഫോണുകളിൽ സാംസങ്ങിന്റെ ഏറ്റവും വിലകുറഞ്ഞ സ്മാർട്ട്‌ഫോണായിരിക്കും ഇത്.

സാംസങ് ഈ സ്മാർട്ട്‌ഫോൺ രണ്ട് വേരിയന്റുകളിൽ പുറത്തിറക്കും. ഇതിൽ 256 ജിബി, 512 ജിബി സ്റ്റോറേജ് വകഭേദങ്ങൾ ഉൾപ്പെടും. കമ്പനിക്ക് 256 ജിബി വേരിയന്റ് 1,19,000 രൂപയ്ക്ക് പുറത്തിറക്കാൻ കഴിയും. അതേസമയം, അതിന്റെ 512 ജിബി വേരിയന്റ് 1,30,000 രൂപയ്ക്ക് പുറത്തിറങ്ങും. ജെറ്റ്ബ്ലാക്ക്, ടൈറ്റാനിയം ഐസിബ്ലൂ, ടൈറ്റാനിയം സിൽവർ കളർ ഓപ്ഷനുകളിൽ ഇത് ലഭ്യമാണ്.