ബോളിവുഡിലെ ഇരുണ്ട രഹസ്യങ്ങളെക്കുറിച്ച് വാചാലനായി നീൽ നിതിൻ : മറ്റുള്ളവരുടെ പരാജയങ്ങളെ ചിലർ ആഘോഷിക്കുന്നുവെന്നും നടൻ

മുംബൈ : ബോളിവുഡിലെ ഒരു ചോക്ലേറ്റ് നായക നിരയിലെ നടനാണ് നീൽ നിതിൻ മുകേഷ്. ഇതുവരെ 31 ലധികം സിനിമകളിൽ അഭിനയിച്ചിട്ടുണ്ട്. ഈ സിനിമകളിലെ നീലിന്റെ കഥാപാത്രം ആളുകൾക്ക് ഇഷ്ടപ്പെട്ടിട്ടുണ്ട്. നീൽ നിതിൻ മുകേഷ് അടുത്തിടെ ബോളിവുഡിന്റെ ഇരുണ്ട രഹസ്യങ്ങളെക്കുറിച്ച് വാചാലനായി.

ബോളിവുഡിൽ മറ്റുള്ളവരുടെ നാശം എങ്ങനെ ആഘോഷിക്കപ്പെടുന്നുവെന്ന് നീൽ നിതിൻ പറഞ്ഞു. ഇതുമാത്രമല്ല ബോളിവുഡിലെ തെറ്റായ കീഴ് വഴക്കങ്ങളെ കുറിച്ചും ജോലി ലഭിക്കാത്തതിനെക്കുറിച്ചും അദ്ദേഹം തുറന്നു സംസാരിച്ചു. ഈ ദിവസങ്ങളിൽ നീൽ തന്റെ വരാനിരിക്കുന്ന വെബ് സീരീസായ ‘ഹായ് ജുനൂൻ’ പ്രൊമോഷൻ തിരക്കിലാണ്. ഇതിനിടെയാണ് അദ്ദേഹം ഒരു ദേശീയ മാധ്യമത്തിന് നൽകിയ അഭിമുഖത്തിൽ ഇക്കാര്യങ്ങൾ വ്യക്തമാക്കിയത്.

ബോളിവുഡിൽ പരസ്പരം വിജയങ്ങളെക്കുറിച്ച് സംസാരിക്കുന്നതിന് പകരം ആളുകൾ മറ്റുള്ളവരുടെ പരാജയങ്ങളെ കളിയാക്കുകയാണ്. ഇവിടെ അഭിനേതാക്കളെ അവരുടെ രൂപത്തിന്റെയും ശരീരത്തിന്റെയും പേരിൽ ട്രോളുന്നു, ആരും അവരുടെ അഭിനയം ശ്രദ്ധിക്കുന്നില്ല. രാജ് കപൂറിന്റെ കാലത്ത് സിനിമാ മേഖലയിൽ ത്യാഗബോധവും സൗമനസ്യവും നിലനിന്നിരുന്നു. എന്നാൽ ഇന്നത്തെ കാലത്ത് ആളുകൾ മറ്റുള്ളവരെ കളിയാക്കുന്നതിലാണ് സന്തോഷം കണ്ടെത്തുന്നത്. ഏവർക്കും അവരവരുടെ കാര്യം എന്ന മനോഭാവമാണ് കൊണ്ടുപോകുന്നതെന്നും അദ്ദേഹം കൂട്ടിച്ചേർത്തു.

നീൽ നിതിൻ തന്റെ കരിയറിൽ നിരവധി സിനിമകൾ ചെയ്തിട്ടുണ്ട്. അദ്ദേഹത്തിന്റെ ചില കഥാപാത്രങ്ങൾ ആളുകൾക്ക് ഇഷ്ടപ്പെട്ടിട്ടുണ്ട്. 2007 ൽ ജോണി ഗദ്ദാർ എന്ന ചിത്രത്തിലൂടെയാണ് നീൽ നിതിൻ തന്റെ കരിയർ ആരംഭിച്ചത്. ഇതിനുമുമ്പ് വിജയ്, ജയ്സി കർമി വൈസി ഭരണി തുടങ്ങിയ ചിത്രങ്ങളിൽ ബാലതാരമായും നീൽ പ്രവർത്തിച്ചിട്ടുണ്ട്. എന്നാൽ അരങ്ങേറ്റത്തിനുശേഷം നീൽ ആ ദേഖ്‌ന സാറ, ന്യൂയോർക്ക് തുടങ്ങിയ ചിത്രങ്ങളിൽ പ്രവർത്തിച്ചു.

ഇതിൽ ന്യൂയോർക്ക് എന്ന സിനിമ വളരെയധികം ശ്രദ്ധയാകർഷിച്ചു. ഇതിൽ നീലിന്റെ എതിർവശത്ത് കത്രീന കൈഫ് ആയിരുന്നു നായിക. ജോൺ എബ്രഹാമും ഈ ചിത്രത്തിൽ അഭിനയിച്ചു. മൂവരുടെയും ഈ ചിത്രം ആരാധകരുടെ ഹൃദയങ്ങളോട് അടുത്തുനിൽക്കുന്നതാണ്.