എം.ഡി.എം.എയുമായി മൂന്ന് യുവാക്കൾ അറസ്റ്റിൽ

ആലുവ : രാസലഹരിയും കഞ്ചാവുമായി മൂന്ന് യുവാക്കൾ പോലീസ് പിടിയിൽ. തൃശൂർ ദേശമംഗലം കിടങ്ങാട് സാജൻ (25), കുഴുപ്പിള്ളി പള്ളിപ്പുറം വടക്കേവീട്ടിൽ ആഷ്ലി (22), കുഴുപ്പിള്ളി കോൺവെൻ്റ് ജംഗ്ഷൻ കുരിശിങ്കൽ ഷിൻ്റോ (30) എന്നിവരെയാണ് വടക്കേക്കര പോലീസ് പിടികൂടിയത്.

ഇവരിൽ നിന്ന് 0.7 ഗ്രാം എം.ഡി.എം.എയും 50 ഗ്രാമോളം കഞ്ചാവും പിടികൂടി. സിപ്പ് ലോക്ക് കവറുകളിലായി സൂക്ഷിച്ചിരിക്കുകയായിരുന്നു മയക്ക് മരുന്ന്. വിൽപ്പനയായിരുന്നു ലക്ഷ്യം. പത്ത് മൊബൈൽ ഫോണുകളും, ഒരു ലാപ്പ്ടോപ്പും, 42500 രൂപയും ഇവരിൽ നിന്ന് കണ്ടെടുത്തു.

എസ്.ഐമാരായ എം.എസ് ഷെറി, ടി.എസ് ഗിരീഷ്, അബ്ദുൾ റസാഖ്, സീനിയർ സി പി ഒ മാരായ ശ്രീകാന്ത്, ശീതൾ, പ്രദീഷ്, നവീൻ സി ജോൺ, ഷെമിത്ത് എന്നിവരാണ് അന്വേഷണ സംഘത്തിലുണ്ടായിരുന്നത്.