ചിക്കാഗോ: മധ്യപശ്ചിമ അമേരിക്കയിലെ കൊടും ശൈത്യത്തില് യൂണിവേഴ്സിറ്റി വിദ്യാര്ഥി മരിച്ചു. ലോവ യൂണിവേഴ്സിറ്റി ഒന്നാം വര്ഷ വിദ്യാര്ഥി ജെറാള്ഡ് ബെല്സ് (18) ആണ് മരിച്ചത്. യൂണിവേഴ്സിറ്റി കാമ്ബസിനു പുറത്ത് അവശനിലയില് കണ്ടെത്തിയ ബെല്സിനെ ആശുപത്രിയില് എത്തിച്ചെങ്കിലും രക്ഷിക്കാനായില്ല.ലോവയില് കഴിഞ്ഞ ദിവസം മൈനസ് 21 ഡിഗ്രി സെല്ഷ്യസ് ആയിരുന്നു താപനില. മൈനസ് 55 ഡിഗ്രിയിലുള്ള ശൈത്യകാറ്റും പ്രദേശത്ത് വീശിയടിച്ചിരുന്നു.ഇതുവരെ അതിശൈത്യത്തില് ഔദ്യോഗിക കണക്കുകള് പ്രകാരം 21 പേരാണ് മരിച്ചത്.
അമേരിക്കയില് സമീപ കാലത്ത് രേഖപ്പെടുത്തിയതില് വച്ച് ഏറ്റവും കടുത്ത ശൈത്യമാണ് അനുഭവപ്പെടുന്നത്. ദേഹം മുഴുവന് മൂടുന്ന കട്ടിയുള്ള വസ്ത്രങ്ങള് ധരിക്കണമെന്നും അല്ലാത്തപക്ഷം അഞ്ചുമിനിറ്റിനുള്ളില് ശരീരഭാഗം തണുത്തുറഞ്ഞു പോകുമെന്നും മുന്നറിയിപ്പുണ്ട്. ശരീരോഷ്മാവ് കുറയുന്ന അവസ്ഥയായ ഹൗപോതെര്മിയ ബാധിച്ച് നിരവധി പേരാണ് ആശുപത്രിയില് ചികിത്സ തേടിയിട്ടുള്ളത്. അതി ശൈത്യത്തെ തുടര്ന്ന് നിരവധി വിദ്യാലയങ്ങള്ക്കും സര്വകലാശാലകള്ക്കും സര്ക്കാര് അവധി പ്രഖ്യാപിച്ചു. പ്രദേശത്തെ ബിസിനസ് സ്ഥാപനങ്ങളും അടച്ചിട്ടിരിക്കുകയാണ്.
തപാല് ഇപാടുകള്, വിമാന-തീവണ്ടി സര്വീസുകളെല്ലാം പൂര്ണമായി സ്തംഭിച്ചു. സെഡാര് റാപിഡ്സിലെ വീട്ടിലേക്ക് പോകുന്നവഴി ബെല്സ് കുഴഞ്ഞു വീഴുകയായിരുന്നെന്നാണ് കരുതുന്നത്. യൂണിവേഴ്സിറ്റിയില്നിന്നും സെഡാര് റാപിഡ്സിലേക്ക് അരമണിക്കൂര് ദൂരം മാത്രമാണുള്ളത്.
Post Your Comments