ന്യൂഡല്‍ഹി: രാജ്യത്തെ ഞെട്ടിച്ച കരിപ്പൂര്‍ വിമാന അപകടം, കേന്ദ്ര വ്യോമയാനമന്ത്രി ഹര്‍ദീപ് സിംഗ് പുരി ഇന്ന് കരിപ്പൂരിലെത്തും. വിമാനാപകടം നടന്ന സ്ഥലം അദ്ദേഹം സന്ദര്‍ശിക്കും. എയര്‍ ഇന്ത്യയിലെ ഉന്നത ഉദ്യോഗസ്ഥരും എയര്‍പോര്‍ട്ട് ഉദ്യോഗസ്ഥരുമായും അദ്ദേഹം ചര്‍ച്ച നടത്തും. എയര്‍ഇന്ത്യയിലെ ഉന്നത ഉദ്യോഗസ്ഥരും കരിപ്പൂരിലേക്ക് തിരിച്ചിട്ടുണ്ട്. സംസ്ഥാന ഗവര്‍ണര്‍ ആരിഫ് മുഹമ്മദ് ഖാന്‍, മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് രമേശ് ചെന്നിത്തല, മന്ത്രിമാരായ ഇ.പി ജയരാജന്‍, എ.കെ ശശീന്ദ്രന്‍, കടന്നപ്പള്ളി രാമചന്ദ്രന്‍, ചീഫ് സെക്രട്ടറി വിശ്വാസ് മേത്ത, ഡി.ജി.പി ലോക്നാത് ബെഹ്‌റ തുടങ്ങിയവരും രാവിലെ തന്നെ കരിപ്പൂരിലേക്ക് യാത്ര തിരിച്ചിട്ടുണ്ട്.
read also : കരിപ്പൂർ വിമാനാപകടം, രക്ഷാ പ്രവർത്തനത്തിലേർപ്പെട്ട ഓരോരുത്തരെയും അഭിവാദ്യം ചെയ്ത് മുഖ്യമന്ത്രി
വിദേശകാര്യ സഹമന്ത്രി വി.മുരളീധരന്‍ പുലര്‍ച്ചെ അഞ്ചരയോടെ കരിപ്പൂരിലെത്തി. അപകടത്തില്‍പെട്ടവരെയും മരിച്ചവരുടെയും കുടുംബാംഗങ്ങളെ ഇവര്‍ കണ്ടേക്കും. എന്താണ് കരിപ്പൂരില്‍ ഇത്തരത്തിലുള്ള അപകടം സംഭവിക്കാന്‍ കാരണമെന്നതില്‍ വിശദമായ അന്വേഷണം ഡി.ജി.സി.എ നടത്തുമെന്ന് കേന്ദ്രവ്യാമയാനമന്ത്രാലയം പ്രഖ്യാപിച്ചിട്ടുണ്ട്. എയര്‍പോര്‍ട്ട്‌സ് അതോറിട്ടി ഓഫ് ഇന്ത്യയുടെ അന്വേഷണവും നടക്കും. പൊലീസുദ്യോഗസ്ഥരും സി.ഐ.എസ്.എഫ് ഉദ്യോഗസ്ഥരും അന്വേഷണത്തിന്റെ നടപടിക്രമങ്ങള്‍ക്കായി അവരെ സഹായിക്കും.
ദുരന്തത്തിന് കാരണം മോശം കാലാവസ്ഥയെന്നായിരുന്നു ഡി.ജി.സി.എയുടെ പ്രാഥമിക നിഗമനം. ഇവിടെ നിന്ന് ബ്ലാക് ബോക്‌സ് അടക്കം കണ്ടെത്തേണ്ടതുണ്ട്. അതിനുള്ള നടപടിക്രമങ്ങളും ഇപ്പോള്‍ തുടര്‍ന്നുവരികയാണ്.
Post Your Comments