ബംഗളൂരു: കർണാടക ഉൗർജ്ജമന്ത്രി മന്ത്രി ഡി.കെ ശിവകുമാറിന്റെ വീട്ടിലും ബംഗളൂരുവിലെ ആഡംബര റിസോർട്ടിലും ആദായനികുതി വകുപ്പ് പരിശോധന തുടരുന്നു. പരിശോധനയിൽ ഏഴരക്കോടി രൂപ കണ്ടെത്തിയതായാണ് റിപ്പോർട്ട്. ആദായ നികുതി പരിശോധനയിൽ പ്രതിഷേധിച്ച് രാജ്യസഭയിൽ കോൺഗ്രസ് രാജ്യസഭയിൽ പ്രതിഷേധം നടത്തി. ബഹളം മൂലം സഭ നിർത്തിവെച്ചു.
എന്നാൽ ഗുജറാത്ത് എം എൽ എ മാരുടെ കാര്യത്തിൽ അല്ല പകരം കർണ്ണാടകയിലെ ഒരു മന്ത്രിയുടെ പേരിലാണ് റെയ്ഡ് എന്ന് അരുൺ ജെയ്റ്റ്‌ലി സഭയിൽ വ്യക്തമാക്കി. കർണ്ണാടക ഊർജ്ജ മന്ത്രി ശിവകുമാറിനാണ് ഗുജറാത്ത് എം എൽ എ മാരുടെ ചുമതല ഏൽപ്പിച്ചിരിക്കുന്നത്. മന്ത്രിയുടെ കുടുംബാംഗങ്ങളുടേയും ബന്ധുക്കളുമായും ബന്ധപ്പെട്ട 39 ഇടങ്ങളിലാണ് ആദായനികുതി വകുപ്പ് ഉദ്യോഗസ്ഥര്‍ റെയ്ഡ് നടത്തിയത്.
മന്ത്രിയുടെ ഡൽഹിയിലെ വസതിയിലും ബന്ധുവീടുകളിലും ആദായ നികുതി പരിശോധന നടക്കുന്നുണ്ട്. രാഷ്ട്രീയ പകപോക്കലിന്റെ ഭാഗമായാണ് റെയ്ഡ് നടത്തിയതെന്നാണ് കോൺഗ്രസ് ആരോപണം. കേന്ദ്രസർക്കാർ ജനാധിപത്യത്തെ കശാപ്പ് ചെയ്യുകയാണ് കൊണ്ഗ്രെസ്സ് കുറ്റപ്പെടുത്തി. ബെംഗളൂരുവിലുള്ള റിസോര്‍ട്ട് മന്ത്രി ശിവകുമാറിന്റെ സഹോദരന്‍ ഡികെ സുരേഷാണ് നടത്തുന്നത്.
Post Your Comments