ഒമാനിൽ ആശ്വാസത്തിന്റെ ദിനം : കോവിഡ് സ്ഥിരീകരിച്ചവരെക്കാൾ, രോഗമുമുക്തി നേടിയവരുടെ എണ്ണം ഉയർന്നു

മസ്‌ക്കറ്റ് : ഒമാനിൽ ആശ്വാസത്തിന്റെ ദിനം കോവിഡ് സ്ഥിരീകരിച്ചവരെക്കാൾ, രോഗമുമുക്തി നേടിയവരുടെ എണ്ണം ഉയർന്നു . 1079 പേർ കൂടി തിങ്കളാഴ്ച സുഖം പ്രാപിച്ചപ്പോൾ രോഗമുക്തരുടെ എണ്ണം 9533 ആയി ഉയർന്നു. 3283 പേരിൽ നടത്തിയ പരിശോധനയിൽ 1043 പേർക്ക് പുതുതായി കോവിഡ് സ്ഥിരീകരിച്ചു. 429 പേർ പ്രവാസികളാണ്. ഇത്​ തുടർച്ചയായ അഞ്ചാം ദിവസമാണ്​ ആയിരത്തിന്​ മുകളിൽ ആളുകൾക്ക് രോഗം സ്ഥിരീകരിക്കുന്നത്. നാലു പേർ കൂടി മരണപ്പെട്ടു. ഇതോടെ രാജ്യത്ത് കോവിഡ് ബാധിച്ചവരുടെ ആകെ 24524ഉം, മരണസംഖ്യ 108ഉം ആയി.

Also read : തന്നില്‍ നിന്നും കുടുംബാംഗങ്ങള്‍ക്ക് കോവിഡ് പകരുമെന്ന് ഭയന്ന് ഐആര്‍എസ് ഉദ്യോഗസ്ഥന്‍ ജീവനൊടുത്തി

14883 പേരാണ്​ നിലവിൽ അസുഖബാധിതരായിട്ടുള്ളത്​. 49 പേരെ കൂടി ആശുപത്രിയിൽ പ്രവേശിപ്പിച്ചതോടെ ചികിത്സയിലുള്ളവരുടെ എണ്ണം 317 ആയി. 104 പേർ തീവ്ര പരിചരണ വിഭാഗത്തിലാണ്. പുതിയ രോഗികളിൽ 515 പേർ മസ്‌ക്കറ്റ് ഗവർണറേറ്റിൽ നിന്നുള്ളവരാണ് ഇതോടെ ഇവിടത്തെ കോവിഡ്​ ബാധിതരുടെ എണ്ണം 17920 ആയി. മരണപ്പെട്ടതിൽ 85 പേരും മസ്​കറ്റിൽ ചികിത്സയിലിരുന്നവരാണ്​.