ന്യൂഡല്‍ഹി: എയർ ഏഷ്യയിൽ വൻ നിരക്കിളവ്. സ്വാതന്ത്രദിനത്തോട് അനുബന്ധിച്ചാണ് ടിക്കറ്റ് നിരക്കില്‍ വന്‍ കുറവ് വരുത്തിയത്. ഈ ഓഫർ പ്രകാരം 1299 രൂപ മുതല്‍ ടിക്കറ്റുകള്‍ ലഭ്യമാകും. ആഗസ്റ്റ് 13 മുതല്‍ പുതിയ ഒാഫറില്‍ ടിക്കറ്റുകള്‍ ബുക്ക് ചെയ്യാം. യാത്ര കാലാവധി 2018 ഫെബ്രുവരി എട്ട് വരെയാണ്.
ഒാഫര്‍ ബംഗളൂരു, ഗോവ, കൊച്ചി, കൊല്‍ക്കത്ത, ഡല്‍ഹി, പൂണൈ എന്നിവടങ്ങളിലേക്കുള്ള വിമാനങ്ങളില്‍ ലഭ്യമാണ്. 1,199 രൂപക്ക് ഹൈദരാബാദ് ബംഗളൂരു റൂട്ടില്‍ ടിക്കറ്റ് ലഭ്യമാവും. 1,399 രൂപയാണ് ഭുവനേശ്വര്‍- കൊല്‍ക്കത്ത, റാഞ്ചി- കൊല്‍ക്കത്ത, കൊച്ചി- ബംഗളൂരു എന്നീ റൂട്ടുകളിലെ ടിക്കറ്റുകള്‍ക്ക് നിരക്ക്.
എയര്‍ ഏഷ്യ ജി.എസ്.ടി ഉള്‍പ്പെടയുള്ള നിരക്കുകളാണ് നല്‍കിയിയിരിക്കുന്നത്. ഡെബിറ്റ് കാര്‍ഡ്, ക്രെഡിറ്റ് കാര്‍ഡ് ഉപയോഗിച്ച്‌ പണമടയ്ക്കുമ്പോൾ തിരിച്ച്‌ കിട്ടാത്ത പ്രൊസസിങ് ഫീയും നല്‍കണം. എന്നാല്‍ എത്ര ടിക്കറ്റുകളാണ് ഒാഫറില്‍ ലഭ്യമാക്കിയിരിക്കുന്നതെന്ന് എയര്‍ ഏഷ്യ വ്യക്തമാക്കിയിട്ടില്ല.
Post Your Comments