Latest NewsTechnology

മൈക്രോമാക്‌സിന്റെ മൂന്ന് സ്മാർട്ട്ഫോണുകള്‍ വിപണിയില്‍

മൈക്രോമാക്‌സിന്റെ ഭാരത് 2 പ്ലസ്, ഭാരത് 3, ഭാരത് 4 സ്മാര്‍ട്‌ഫോണുകള്‍ വിപണിയിൽ. 4ജി വോള്‍ടി സൗകര്യ മുള്ള ഫോണുകളാണ് ഇവ. 4 ഇഞ്ച് ഡബ്ല്യുവിജിഎ ടിഎഫ്ടി ഡിസ്‌പ്ലേയാണ് ഭാരത് 2 പ്ലസിന്. ആന്‍ഡ്രോയിഡ് 7 ന്യൂഗട്ടല്‍ പ്രവര്‍ത്തിക്കുന്ന ഫോണില്‍ 1ജിബി റാമും 8 ജിബി ഇന്റേണല്‍ മെമ്മറിയുമുണ്ട്. 1600 mAh ബാറ്ററിയാണ് ഫോണിനുള്ളത്. മെഗാപിക്‌സലിന്റെ ചെറിയ ക്യാമറ, 2 മെഗാപിക്‌സലുള്ള സെൽഫി കാമറ, ഡ്യുവല്‍ സിം എന്നിവയാണ് മറ്റ് പ്രത്യേകതകൾ.

480 x 854 പിക്‌സലിന്റെ 4.5 ഇഞ്ച് ഡബ്ല്യുവിജിഎ ടിഎഫ്ടി ഡിസ്‌പ്ലേയാണ് ഭാരത് 3 യ്ക്ക്. ആന്‍ഡ്രോയിഡ് ന്യൂഗട്ടില്‍ പ്രവര്‍ത്തിക്കുന്ന ഫോണില്‍ എംടി6737എം പ്രൊസസറാണുള്ളത്. ഒപ്പം 1ജിബി റാമും 8 ജിബി സ്റ്റോറേജുമുണ്ട്. 2000 മില്ലി ആംബിയറിന്റെ ബാറ്ററി, 5 മെഗാപിക്‌സല്‍ പിന്‍ ക്യാമറ, 2 മെഗാപിക്‌സലിന്റെ സെല്‍ഫി ക്യാമറ, ഡ്യുവല്‍ സിം എന്നിവയാണ് ഫോണിന്റെ പ്രത്യേകതകൾ.

720 x 1280 പിക്‌സലിന്റെ 5 ഇഞ്ചിന്റെ എച്ച്ഡി ടിഎഫ്ടി ഡിസ്‌പ്ലേയാണ് ഭാരത് 4നുള്ളത്. 2500 mAH ബാറ്ററിയുള്ള ഫോണില്‍ 180 മണിക്കൂര്‍ വരെ സ്റ്റാന്റ് ബൈ മോഡില്‍ ചാര്‍ജ് നില്‍ക്കും. രണ്ട് ക്യാമറകളും അഞ്ച് മെഗാപിക്‌സലിന്റേതാണ്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button