ന​ർ​മ​ദ പ​രി​ക്ര​മ​ണ യാ​ത്രയുമായി  ദി​ഗ് വി​ജ​യ് സിം​ഗ് ; സൗകര്യങ്ങൾ ഒരുക്കി ശി​വ്രാ​ജ് സിം​ഗ് ചൗ​ഹാ​ൻ 

ന്യൂ​ഡ​ൽ​ഹി:  ന​ർ​മ​ദ പ​രി​ക്ര​മ​ണ യാ​ത്രയുമായി മുതിർന്ന കോ​ണ്‍​ഗ്ര​സ് നേ​താ​വ് ദി​ഗ് വി​ജ​യ് സിംഗ്. ന​ർ​മ​ദ ന​ദീ​ത​ടത്തിലൂടെ മ​ധ്യ​പ്ര​ദേ​ശ് മുഴുവൻ ചു​റ്റി​ക്കാ​ണുക്കയാണ് യാത്രയുടെ ലക്ഷ്യം. ഇതു വഴി സംസ്ഥാനത്ത് രാഷ്ട്രീയ തി​രി​ച്ചു​വ​ര​വും ദി​ഗ് വി​ജ​യ് സിം​ഗ് ആഗ്രഹിക്കുന്നുണ്ടെന്നാണ് റിപ്പോർട്ടുകൾ. യാത്ര ശ​നി​യാ​ഴ്ച ആ​രം​ഭി​ക്കും. 3400 കി​ലോ​മീ​റ്റ​ർ ന​ട​ന്നു സഞ്ചരിക്കാനാണ്  ദി​ഗ് വി​ജ​യ് സിംഗിന്റെ പദ്ധതി.

ഈ യാത്രയ്ക്കു വേണ്ടി മൊ​ബൈ​ൽ ടോ​യ്ല​റ്റും ആം​ബു​ല​ൻ​സും അ​ധി​ക സു​ര​ക്ഷ​യും ദി​ഗ് വി​ജ​യ് സിം​ഗ് സംസ്ഥാന സർ​ക്കാരിനോടു ആവശ്യപ്പെട്ടു. ഈ സൗകര്യങ്ങൾ ഒരുക്കി ​നൽ​കാ​ൻ മ​ധ്യ​പ്ര​ദേ​ശ് മുഖ്യ​മ​ന്ത്രി ശി​വ്രാ​ജ് സിം​ഗ് ചൗ​ഹാ​ൻ ഉത്തരവിട്ടു. മ​ധ്യ​പ്ര​ദേ​ശ്  മു​ൻ മു​ഖ്യ​മ​ന്ത്രി ആയിരുന്ന ദി​ഗ് വി​ജ​യ് സിം​ഗ് 2003ലെ ​തെ​ര​ഞ്ഞെ​ടു​പ്പ് പ​രാ​ജ​യത്തെ തുടർന്ന പ​ത്തു വ​ർ​ഷം സ്വമേധയാ തെ​ര​ഞ്ഞെ​ടു​പ്പി​ൽ​നി​ന്നു വി​ട്ടു​നിന്നരുന്നു. പിന്നീട് 2014ൽ ​ദി​ഗ് വി​ജ​യ് സിംഗ് രാ​ജ്യ​സ​ഭാ എം​പി​യാ​യി വിജയിച്ചിരുന്നു.

യാ​ത്ര​യ്ക്കു കോ​ണ്‍​ഗ്ര​സ് പാ​ർ​ട്ടി​യു​മാ​യി ബ​ന്ധ​മി​ല്ലെ​ന്നാ​ണ് ദി​ഗ് വി​ജ​യ് സിം​ഗ് അറിയിച്ചു. മ​ധ്യ​പ്ര​ദേ​ശ് നി​യ​മ​സ​ഭാ തെ​ര​ഞ്ഞെ​ടു​പ്പ്  അടുത്ത വ​ർ​ഷമാണ്. ഈ സമയത്താണ്  ദി​ഗ് വി​ജ​യ് സിം​ഗ് പ​ര്യ​ടനവുമായി രംഗത്തു വരുന്നത്.