KeralaLatest News

കേരളത്തിന് ഒരു ദിവസത്തെ ശമ്പളം നല്‍കാന്‍ സര്‍ക്കാര്‍ ജീവനക്കാര്‍ക്ക് നിര്‍ദ്ദേശം നല്‍കി തമിഴ്‌നാട് സര്‍ക്കാര്‍

ഇപ്പോള്‍ പുതിയ ഒരു സഹായവുമായി രംഗത്തെിയിരിക്കുകയാണ് തമിഴ്‌നാട്

തിരുവനന്തപുരം; പ്രളയത്തില്‍ മുങ്ങിത്താഴ്ന്ന കേരളം പഴയതുപോലെ തിരിച്ചുവരുന്നതേയുള്ളൂ. ഇത്രയും വലിയ ദുരന്തം അനുഭവിച്ച കേരളത്തിന് സഹായവുമായി നിരവധി ആളുകളാണ് രംഗത്തെത്തിയത്. ഇപ്പോള്‍ പുതിയ ഒരു സഹായവുമായി രംഗത്തെിയിരിക്കുകയാണ് തമിഴ്‌നാട്. തമിഴ്നാട്ടിലെ എല്ലാ സര്‍ക്കാര്‍ ജീവനക്കാരും ഒരു ദിവസത്തെ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കണമെന്ന നിര്‍ദ്ദേശം തമിഴ്‌നാട് സര്‍ക്കാര്‍ മുന്നോട്ടുവെച്ചു.

ഈ ഒരു തീരുമാനത്തിലൂടെ ഏകദേശം 200 കോടി രൂപയാണ് ഇതുവഴി ദുരിതാശ്വാസ ഫണ്ടിലേക്ക് എത്തിക്കാന്‍ കഴിയുക. ഇതിനായി ഈ മാസത്തെ ശമ്പളത്തില്‍ നിന്നുതന്നെ പണം നല്‍കാനാണ് തീരുമാനമെന്ന് തമിഴ്നാട് ഗവണ്‍മെന്റ് എംപ്ലോയീസ് അസോസിയേഷന്‍ (ടിഎന്‍ജിഇഎ) സംസ്ഥാന സെക്രട്ടറി സി. ആര്‍. രാജ്കുമാര്‍ അറിയിച്ചു.

Also Read : താന്‍ ഉള്‍പ്പെടെ മുപ്പത്തിരണ്ടുപേരെയും പ്രളയത്തില്‍ നിന്നും കരകയറ്റിയ രക്ഷകനെത്തേടി നടൻ സലിംകുമാര്‍

ഈ സഹായത്തിന് പുറമേ പ്രളയബാധിതര്‍ക്ക് ആവശ്യമായ സഹായങ്ങളും തമിഴ്നാട് ജീവനക്കാര്‍ എത്തിച്ചു. 4000 കിലോ അരി, ആവശ്യമരുന്നുകള്‍, കുട്ടികള്‍ക്കായി ഉടുപ്പുകള്‍, ബെഡ്ഷീറ്റ്, സാരികള്‍, ജാക്കറ്റുകള്‍ എന്നിവയും എത്തിച്ചു. ഇത്തരം ഒരു ആശയവുമായി മുഖ്യമന്ത്രി പിണറായി വിജയനും കഴിഞ്ഞ ദിവസം രംഗത്തെത്തിയിരുന്നു. കേരളത്തിലുള്ള എല്ലാവരും ഒരുമാസത്തെ ശമ്പളം ദുരിതാശ്വാസ ഫണ്ടിലേക്ക് നല്‍കണമെന്ന് മുഖ്യമന്ത്രി ആവശ്യപ്പെട്ടിരുന്നു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button