Food & Cookery

രാവിലെ നല്ല നാടന്‍ മുട്ടക്കൂട്ട് ട്രൈ ചെയ്താലോ

വീട്ടില്‍ തയാറാക്കാന്‍ പറ്റിയ ഒരു നല്ല വിഭവമാണ് മുട്ടക്കൂട്ട്. വളരെ കുറഞ്ഞ സമയംകൊണ്ട് തയാറാക്കാന്‍ കഴ ിയുന്ന ഒന്നാണ് മുട്ടക്കൂട്ട്. രാവിലെ അപ്പത്തിനും ദോശയ്ക്കുമൊപ്പം വിളമ്പാവുന്ന മുട്ടക്കൂട്ട് തയാറാക്കുന്നത് എങ്ങനെയെന്ന് നോക്കാം

ചേരുവകള്‍

മുട്ട പുഴുങ്ങിയത്. 4 എണ്ണം
സവാള അരിഞ്ഞത് 1 കപ്പ്
പച്ചമുളക് – അരിഞ്ഞത് 3 എണ്ണം
തക്കാളി അരിഞ്ഞത് 1 കപ്പ്
ഗരം മസാലപൊടി ഒരു ടീസ്പൂണ്‍
മഞ്ഞള്‍പൊടി 1/2 ടീസ്പൂണ്‍
ജീരകം 1 ടീസ്പൂണ്‍
വറ്റല്‍മുളക് പൊടി 1 ടീസ്പൂണ്‍
ഇഞ്ചി വെളുത്തുള്ളി കുഴമ്പ്് 1 ടീസ്പൂണ്‍
കറിവേപ്പില
മല്ലിയില
ഉപ്പ്
എണ്ണ

പാചകം ചെയ്യേണ്ട വിധം

ഒരു ചട്ടിയില്‍ 3 ടീസ്പുണ്‍ വെളിച്ചെണ്ണ ചൂടാക്കുക. ജീരകവും ഇഞ്ചി-വെളുത്തുള്ളി കുഴമ്പും ഇതിലേക്കിട്ട് വറുക്കുക. ഇതിലേക്കാണ്, സവാള പച്ചമുളക,് കറിവേപ്പില എന്നിവ ചേര്‍ക്കേണ്ടത്. ഏകദേശം ബ്രൗണ്‍ നിറമാകുമ്പോള്‍ തക്കാളികുടിയുട്ട് ഇളക്കുക. മല്ലിപ്പൊടി, മുളകുപൊടി, മഞ്ഞള്‍പൊടി, ഗരം മസാല എന്നിവ ചേര്‍ത്ത് വീണ്ടും ഇളക്കുക.

ഈ മിശ്രിതത്തിലേക്ക് അരക്കപ്പ് വെള്ളമൊഴിക്കുക. ഉപ്പ് പാകത്തിന് ചേര്‍ക്കുക. ഇത് തിളയ്ക്കാന്‍ തുടങ്ങുമ്പോള്‍ മുട്ട നാലായി മുറിച്ച് ഇതിലേക്കിടുക. മഞ്ഞക്കരു പൊട്ടാതെ ഇളക്കുക. മല്ലിയില കൂടി വിതറി മുട്ടക്കൂട്ട് വിളമ്പാം.

Tags

Related Articles

Post Your Comments


Back to top button
Close
Close