Latest NewsWeirdAutomobile

PHOTOS: റോള്‍സ് റോയ്‌സ് കള്ളിനന്‍ സ്വന്തമാക്കുന്ന ആദ്യ ഇന്ത്യന്‍ വനിത: അഭിനി സോഹന്‍

25-ാം വിവാഹ വാര്‍ഷിക ദിനത്തില്‍ പ്രിയപത്‌നിക്ക് സോഹന്‍ റോയിയുടെ സമ്മാനം

ദുബായ്• ബ്രട്ടീഷ് കാര്‍ നിര്‍മ്മാതാക്കളായ റോള്‍സ് റോയ്‌സിന്റെ ആദ്യ എസ്.യു.വി മോഡല്‍ കള്ളിനന്‍ സ്വന്തമാക്കുന്ന ആദ്യ ഇന്ത്യക്കാരിയെന്ന ബഹുമതി ഇനി അഭിനി സോഹന് സ്വന്തം. ദുബായ് ആസ്ഥാനമായ ഏരീസ് ഗ്രൂപ്പ് മേധാവിയും, ഹോളിവുഡ് സംവിധായകനുമായ സോഹന്‍ റോയിയുടെ ഭാര്യയാണ് അഭിനി സോഹന്‍ . 25-ാം വിവാഹ വാര്‍ഷികത്തോടനുബന്ധിച്ചാണ് സോഹന്‍ റോയ് പത്‌നിക്കായി റോള്‍സ് റോയ്‌സ് കള്ളിനന്‍ സമ്മാനമായി നല്‍കിയത്.

ഈ വര്‍ഷം ജൂണിലാണ് വാഹനം ബുക്ക് ചെയ്തത്. മുമ്പ് ഇന്ത്യന്‍ വിപണിയിലും കള്ളിനന്‍ അവതരിപ്പിച്ചിരുന്നു. 6.95 കോടി രൂപയാണ് ഡല്‍ഹിയിലെ എക്‌സ് ഷോറും വില. പൂര്‍ണ്ണമായും കസ്റ്റമൈസ്ഡ് രീതിയില്‍ നിര്‍മ്മിച്ച വാഹനം ഒട്ടേറെ സവിശേഷതകള്‍ നിറഞ്ഞതാണ്. ഉപഭോക്താക്കളുടെ ആവശ്യങ്ങള്‍ക്കും, സൗകര്യങ്ങള്‍ക്കും അനുസൃതമായി നിര്‍മ്മിക്കുന്നതിനാല്‍ ഇതേ പോലെ മറ്റൊരു വാഹനം ഉണ്ടാകില്ലെന്ന് സാരം.

ആഡംബര കാര്‍ നിര്‍മ്മാതാക്കളായ റോള്‍സ് റോയ്‌സ് ഈ വര്‍ഷം ആദ്യമാണ് കള്ളിനന്‍ എസ്.യു.വി അവതരിപ്പിച്ചത്. വാഹനപ്രേമികള്‍ ഏറെ ആകാംക്ഷയോടെ കാത്തിരുന്ന വാഹനം സ്വന്തമാക്കിയതിന്റെ അഭിമാനത്തിലാണ് അഭിനി സോഹന്‍ റോയ്. നിര്‍മ്മാണത്തിന്റെ വിവിധ ഘട്ടങ്ങളില്‍ വാഹനം കാണുവാനും ആവശ്യമായ ഭേതഗതികള്‍ വരുത്താനും കമ്പനി അവസരമൊരുക്കിയിരുന്നു.

പൂര്‍ണ്ണമായും കസ്റ്റമൈസ് ചെയ്ത റോള്‍സ് റോയ്‌സ് ഗോസ്റ്റ് മോഡലും മുമ്പ് ദമ്പതികള്‍ സ്വന്തമാക്കിയിരുന്നു. അറേബ്യന്‍ ബ്ലൂ കളര്‍ ഗോസ്റ്റ് ആണ് അന്ന് ഇരുവരും സ്വന്തമാക്കിയത്. തുടര്‍ന്നാണ് ഭാര്യക്ക് വിവാഹ വാര്‍ഷിക സമ്മാനമായി റോള്‍സ് റോയ്‌സിന്റെ ആദ്യ എസ്.യു.വി മോഡല്‍ തന്നെ നല്‍കാന്‍ സോഹന്‍ റോയ് തീരുമാനിച്ചത്. ഡിസംബര്‍ 12നായിരുന്നു ഇരുവരുടെയും 25ാം വിവാഹ വാര്‍ഷികം.

6.75 ലിറ്റര്‍ വി-12 എഞ്ചിനാണ് കള്ളിനിന് കരുത്ത് പകരുന്നത്. എന്‍ജിന് 563 ബി.എച്ച്.പി. കരുത്തും 850 എന്‍.എം. ടോര്‍ക്കും പരമാവധി സൃഷ്ടിക്കാനാവും. 5.341 മീറ്റര്‍ നീളവും 2.164 മീറ്റര്‍ വീതിയുമുള്ള ഭീമാകാരന്‍ കാറിന്റെ വീല്‍ബേസ് 329.5 സെന്റീമീറ്ററാണ്.

ഓള്‍ വീല്‍ ഡ്രൈവിലുള്ള ആദ്യ റോള്‍സ് റോയ്‌സാണ് കള്ളിനന്‍. ഓള്‍ വീല്‍ ഡ്രൈവ്, ഓള്‍ വീല്‍ സ്റ്റീയര്‍ സംവിധാനങ്ങളും ഉള്‍ക്കൊള്ളിച്ചിരിക്കുന്നു. 8സ്പീഡ് ഓട്ടമാറ്റിക് ഗിയര്‍ബോക്‌സാണ്. പരമാവധി വേഗം മണിക്കൂറില്‍ 250 കിലോമീറ്റര്‍. റോഡ് സാഹചര്യമനുസരിച്ച് ഗ്രൗണ്ട് ക്ലിയറന്‍സ് ഉയര്‍ത്താന്‍ ബട്ടണ്‍ അമര്‍ത്തിയാല്‍ മതി. 54 സെന്റിമീറ്റര്‍ വരെ ജലനിരപ്പിലും വാഹനം അനയാസം ഓടും.

പൂര്‍ണ്ണമായും ലെതര്‍ സീറ്റുകള്‍, വുഡന്‍ ഇന്റീരിയര്‍, മള്‍ട്ടി ഡ്രൈവിംഗ് മോഡ്, സ്വയം നിയന്ത്രിത സസ്‌പെന്‍ഷന്‍ സംവിധാനം, പനോരമിക് ദൃശ്യത്തോടുകൂടിയ ഫോര്‍ ക്യാമറ സിസ്റ്റം, ഓള്‍റൗണ്ട് വിസിബിലിറ്റി ആന്‍ഡ് ഹെലികോപ്റ്റര്‍ വ്യൂ, നൈറ്റ് വിഷന്‍, വിഷന്‍ അസിസ്റ്റ്, സീറ്റ് മസ്സാജര്‍, സ്റ്റാര്‍ലിറ്റ് റൂഫ്‌ലൈന്‍, കസ്റ്റമൈസ്ഡ് ടയര്‍ തുടങ്ങി ഒട്ടേറെ ആഡംബരങ്ങളോട് കൂടിയതാണ് പുതിയ റോള്‍സ് റോള്‍സ് റോയ്‌സ് കള്ളിനന്‍.

വൈല്‍ഡ് ലൈഫ് ആന്‍ഡ് പെഡ്‌സ്ട്രിയന്‍ വാര്‍ണിങ് സിസ്റ്റം, അലേര്‍ട്ട്‌നെസ് അസിസ്റ്റ്, ആക്ടീവ് ക്രൂയിസ് കണ്‍ട്രോള്‍, കൊളിഷന്‍ വാര്‍ണിങ് തുടങ്ങി നിരവധി സുരക്ഷാ സന്നാഹങ്ങള്‍ വാഹനത്തിലുണ്ട്. ബൂട്ട് കപ്പാസിറ്റി 600 ലിറ്ററാണ്. ഇതുവരെ ഇറങ്ങിയ റോള്‍സ് റോയ്‌സുകളില്‍ ഏറ്റവും മികച്ച മോഡലാണിത്. അഞ്ചു സീറ്ററാണ് ഈ എസ്.യു.വി. വേണമെങ്കില്‍ അത് നാലു സീറ്ററാക്കി മാറ്റാം.

വാഹനത്തിന്റെ ആഡംബരം ഏറ്റവും പ്രകടമാകുന്നത് ഇന്റീരിയറിലാണ്. ഡാഷ്‌ബോഡിലും മുന്നിലെ സീറ്റുകളുടെ പിന്നിലുമായി 12 ഇഞ്ച് ഇന്‍ഫോടെയ്ന്‍മെന്റ് സ്‌ക്രീനുകള്‍, ബ്ലൂറേ ഡിസ്‌പ്ലേ ടി.വി, ഇതുമായി ബന്ധിപ്പിച്ചിരിക്കുന്ന 10 സ്പീക്കറുകള്‍, ലതര്‍ ഫിനീഷിഡ് ഇന്റീരിയര്‍, ഫാബ്രിക് കാര്‍പ്പെറ്റ് എന്നിങ്ങനെ നീളുന്നതാണ് ഇന്റീരിയറിന്റെ പ്രത്യേകതകള്‍.

വ്യൂയിങ് സ്യൂട്ടാണ് വാഹനത്തിന്റെ മറ്റൊരു പ്രത്യേകത. സ്വിച്ചിട്ടാല്‍ പിന്നിലെ ബൂട്ട് തുറന്ന് രണ്ട് കസേരകളും ഒരു ചെറിയ മേശയും പുറത്തേക്ക് വരും. പിന്നില്‍ സ്യൂയിസൈഡ് ഡോറാണ്. മറ്റൊരു വാഹനത്തിലും ഇതുവരെ പരീക്ഷിക്കാത്ത ഈ സംവിധാനം ഓപ്ഷണലാണ്. ഇത്തരത്തിലുള്ള വാതിലുകള്‍ നല്‍കുന്ന ആദ്യ എസ്.യു.വി.യാണ് കള്ളിനന്‍.

ദക്ഷിണാഫ്രിക്കന്‍ ഖനിയില്‍ നിന്ന് 1905ല്‍ കുഴിച്ചെടുത്ത 3106 കാരറ്റ് വജ്രമായ കള്ളിനന്‍ ഡയമണ്ടില്‍ നിന്നാണ് പുത്തന്‍ എസ് യു വിക്കുള്ള പേര് റോള്‍സ് റോയ്‌സ് നല്‍കിയത്.

Tags

Post Your Comments


Back to top button
Close
Close