പത്തനംതിട്ട: യുവതി പ്രവേശനത്തെ തുടർന്ന് നടയടച്ചു ശുദ്ധിക്രിയ നടത്തിയ തന്ത്രിക്കെതിരെ കോടതി അലക്ഷ്യത്തിന് കേസെടുക്കണമെന്ന് മലയരയ സമാജം നേതാവ് പി.കെ സജീവ്. മലകയറിയ സ്ത്രീകളില്‍ ഒരാള്‍ ദളിതു കൂടിയാണ്. അതിനാല്‍ പട്ടികജാതി പട്ടിക വര്‍ഗ പീഡന നിരോധന നിയമപ്രകാരം കേസെടുക്കണമെന്നും അദ്ദേഹം പറഞ്ഞു.
മലയരയ വിഭാഗത്തെ അവകാശങ്ങളില്‍ നിന്ന് അടിച്ചോടിച്ചവര്‍ തന്നെയാണ് ഇന്നിവിടെ ശുദ്ധിക്രിയ നടത്തുന്നത്. ശബരിമലയില്‍ ഇപ്പോള്‍ നടക്കുന്നത് അയിത്താചരണ ഭാഗമായുള്ള കാര്യങ്ങളാണ്. സ്ത്രീകള്‍ അശുദ്ധരാണെന്ന് ഏത് പ്രത്യയശാസ്ത്രത്തിന്‍റെ അടിസ്ഥാനത്തിലാണ് സംസാരിക്കുന്നത്. സ്ത്രീകളെ അശുദ്ധരായി പ്രഖ്യാപിക്കുന്നത് പരിഷ്‌കൃത സമൂഹത്തിന് ചേര്‍ന്നതല്ലെന്നും അദ്ദേഹം കൂട്ടിച്ചേര്‍ത്തു.
Post Your Comments