കാബേജ് കൊണ്ട് തയ്യാറാക്കാം രുചികരമായ വട

കാബേജ് കൊണ്ടുള്ള കറികള്‍ സ്ഥിരം വിഭവങ്ങളാണ്. എന്നാല്‍ കാബേജ് കൊണ്ട് എളുപ്പത്തില്‍ തയ്യാറാക്കാവുന്ന വട പരീക്ഷിച്ചു നോക്കാം

ചേരുവകള്‍

1. കാബേജ് (പൊടിയായി അരിഞ്ഞത്) – 1 കപ്പ്
2. പച്ചമുളക് (പൊടിയായി അരിഞ്ഞത്) – 2 എണ്ണം
3. സവാള (പൊടിയായി അരിഞ്ഞത്) – 1
4. മല്ലിയില (പൊടിയായി അരിഞ്ഞത്) – 2 ടേബിള്‍ സ്പൂണ്‍
5. ഉഴുന്നരച്ചത് – 2 കപ്പ്
6. എണ്ണ – ആവശ്യത്തിന്
7. ഉപ്പ് – പാകത്തിന്

തയ്യാറാക്കുന്ന വിധം

ഒരു പാത്രത്തില്‍ കാബേജ്, പച്ചമുളക്, മല്ലിയില, സവാള, ഉഴുന്നരച്ചത്, ഉപ്പ് എന്നിവയെടുത്ത് വെള്ളം തളിച്ച് മാവ് തയ്യാറാക്കുക. കൈയില്‍ എണ്ണ തടവി കുറേശ്ശേ മാവെടുത്ത് വടയുടെ ആകൃതിയിലാക്കി മധ്യത്തില്‍ കുഴിയുണ്ടാക്കി എണ്ണയില്‍ വറുക്കുക.