സംസ്ഥാനത്ത് സ്വര്‍ണവിലയില്‍ ഇടിവ്

തിരുവനന്തപുരം: സംസ്ഥാനത്ത് സ്വര്‍ണവിലയില്‍ കുറവ് രേഖപ്പെടുത്തി. പവന് 120 രൂപയാണ് കുറഞ്ഞത്. ഗ്രാമിന് 3,130 രൂപയും പവന് 25,040 രൂപയുമാണ് കേരളത്തിലെ ഇന്നത്തെ സ്വര്‍ണ നിരക്ക്.

സംസ്ഥാനത്ത് ഇന്നലെ സ്വര്‍ണവില റെക്കോര്‍ഡ് നിലവാരത്തിലായിരുന്നു. ഇന്നലെ ഗ്രാമിന് ഗ്രാമിന് 3,145 രൂപയും പവന് 25,160 രൂപയുമായിരുന്നു നിരക്ക്.
പവന് 120 രൂപയും ഗ്രാമിന് 15 രൂപയും ഇന്ന് കുറഞ്ഞു.
അന്താരാഷ്ട്ര വിപണിയിലെ സ്വര്‍ണ്ണവിലക്കയറ്റമാണ് പ്രധാന വെല്ലുവിളി. അമേരിക്കയില്‍ പ്രസിഡന്റ് ഡൊണാള്‍ഡ് ട്രംപ് അടിയന്തരാവസ്ഥ പ്രഖ്യാപിച്ചതിനെ തുടര്‍ന്നുള്ള ഭരണ അസ്ഥിരതയാണ് അന്താരാഷ്ട്ര വിപണിയില്‍ വില ഉയരാനുളള മറ്റൊരു പ്രധാന കാരണമായി പറയുന്നത്. അന്താരാഷ്ട്രവിപണിയില്‍ ട്രോയ് ഔണ്‍സിന് (31 ഗ്രാം) 1340.50 ഡോളറാണ് ഇന്നത്തെ നിരക്ക്. എന്നാല്‍, സ്വര്‍ണനിരക്ക് ഇപ്പോഴും 25,000 ത്തിന് മുകളില്‍ തുടരുന്നത് ഉപഭോക്താക്കളില്‍ ആശങ്കയുണര്‍ത്തുന്നുണ്ട്.