ആരാധകന്റെ കണ്ണുവെട്ടിച്ച് മൈതാനം മുഴുവന്‍ ഓടി ധോണി; വീഡിയോ കാണാം

ഒഴിവുവേളകളില്‍ കുട്ടിക്കളി കളിക്കുന്ന ധോണി കളിക്കളത്തില്‍ ചെയ്യാത്തതൊന്നുമില്ല. ടീമിനെ ഒറ്റയാള്‍ പോരാട്ടത്തിലൂടെ ജയത്തിലേക്ക് നയിക്കും. ജയിക്കാന്‍ ഒരു റണ്‍സ് കൂടി മതിയെങ്കില്‍ പോലും സിക്‌സര്‍ പറത്തി വിജയം കൊഴുപ്പിക്കും. ബാറ്റ്‌സ്മാന്‍ കണ്ണടച്ചുതുറക്കുന്ന വേഗത്തില്‍ സ്റ്റമ്പിളക്കും. വേണമെങ്കില്‍ ആരാധകര്‍ക്കൊപ്പം മൈതാനത്ത് ഒളിച്ചും കളിക്കും.

https://twitter.com/MeghamalaV/status/1103122520952061952

ഇതേപോലാരു സന്ദര്‍ഭമായിരുന്നു ഇന്നലെ ആസ്‌ട്രേലിയക്കെതിരായ രണ്ടാം ഏകദിനത്തില്‍ ഇന്ത്യ വിജയം പിടിച്ചടക്കിയപ്പോള്‍ ഒരു ‘തല’ ആരാധകന്‍ മൈതാനത്തേക്ക് ഓടിക്കയറിയത്. ധോണിയുടെ കടുത്ത ആരാധകനായ യുവാവ് സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് മൈതാനത്ത് ഓടിയെത്തി. തനിക്ക് നേരെയാണ് ആരാധകന്റെ വരവെന്ന് മനസിലാക്കിയ ധോണി സഹതാരത്തിന്റെ പിന്നിലൊളിച്ചു.

This is fan love with MSD😍@ChennaiIPL @BCCI @MrIanMalcolm @msdhoni @msdfansofficial @IamAngryFellow @AthiKaari pic.twitter.com/GyU0C0slpG

— Sudhakar Kenny 🤘 (@KennySudhakar) March 5, 2019

പക്ഷേ ആരാധകന്റെ കണ്ണുവെട്ടിക്കാനാകുമോ ? എന്നാല്‍ അത്ര വേഗം പിടികൊടുക്കാന്‍ ധോണിയും തയ്യാറായിരുന്നില്ല. ധോണിയുടെ പിറകെ ആരാധകന്റെ ഓട്ടം. സഹതാരങ്ങളില്‍ ചിലര്‍ ആരാധകനെ പിടിക്കാന്‍ ശ്രമിച്ചെങ്കിലും വിജയിച്ചില്ല. ഒടുവില്‍ ഒന്നു നില്‍ക്കൂവെന്ന ആരാധകന്റെ അപേക്ഷ. അങ്ങനെ ധോണി തന്റെ ആരാധകന് പിടികൊടുത്തു. പിന്നീടങ്ങോട്ട് ആരാധകന്റെ ആഹ്ലാദപ്രകടനം. ഏതായാലും ഇതിന്റെ വീഡിയോ നവ മാധ്യമങ്ങളില്‍ വൈറലായിരിക്കുകയാണ്.