4ജി വേഗതയിൽ ഒന്നാം സ്ഥാനം സ്വന്തമാക്കി ഈ ടെലികോം കമ്പനി

ന്യൂ ഡൽഹി : 4ജി വേഗതയില്‍ എയര്‍ടെലിനെ പിന്നിലാക്കി ജിയോ.  മൈസ്പീഡ് ആപ്പ് വഴി ഉപഭോക്താക്കളില്‍ നിന്നും ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണ് ഏറ്റവും വേഗത കൂടിയ 4ജി നെറ്റ് വര്‍ക്ക് ജിയോയുടേതാണെന്ന് ടെലികോം റഗുലേറ്ററി അതോറിട്ടി കണ്ടെത്തിയത്. എയര്‍ടെല്ലിന് 9.6 എംബിപിഎസ് ആയിരുന്നു ശരാശരി വേഗതയെങ്കിൽ 20.8 എംബിപിഎസ്  വേഗതയാണ് ജിയോ കൈവരിച്ചത്. വോഡഫോണ്‍, ഐഡിയ എന്നീ നെറ്റ്വർക്കുകൾക്ക് യഥാക്രമം 6.7 എംബിപിഎസ്, 6.3 എംബിപിഎസ് എന്നിങ്ങനെയാണ് ശരാശി 4G വേഗത

4G അപ്‌ലോഡിങ് വേഗതയില്‍ ജിയോയെ പിന്നിലാക്കി ഐഡിയ മുന്നിലെത്തി. 6.0 എംബിപിഎസ് ആണ് വേഗത. ജിയോയ്ക്ക് 4.9 എംബിപിഎസ് ആണ് അപ്‌ലോഡിങ് വേഗത. 3ജി നെറ്റ് വര്‍ക്ക് വേഗതയില്‍ വോഡഫോണും(2.8 എംബിപിഎസ്) ബിഎസ്എന്‍എല്ലും(2.5 എംബിപിഎസ്) ഐഡിയയും(2.5 എംബിപിഎസ്) ഒന്നാമതെത്തി. 2.4 എംബിപിഎസ് ആണ് എയര്‍ടെല്ലിന്റെ 3ജി നെറ്റ് വര്‍ക്ക് വേഗത.